'తెలంగాణ రైతులు జాగృతం కావాలి - ప్రభుత్వాల హామీల వల్ల మేము మోసపోయినట్లు మీరు కావద్దు'

Karnataka Farmers Protest in Telangana : ఎన్నికల ముందర రాజకీయ పార్టీ నాయకులు ఇచ్చే తాయిలాలు, వాగ్ధానాలను చూసి ఓటు వేస్తే.. భవిష్యత్‌లో తీవ్ర కష్టాలు పడే ప్రమాదం ఉందని కర్ణాటక రాష్ట్ర రైతు సంఘం అధ్యక్షుడు చంద్రశేఖర్‌ హెచ్చరించారు. కర్ణాటకలో కాంగ్రెస్‌ ప్రభుత్వం రైతులను మోసం చేసిందన్నారు. అందుకే తెలంగాణ రైతులు జాగృతం కావాలని.. ప్రభుత్వాల హామీల వల్ల తాము మోసపోయినట్లు తెలంగాణ ప్రజలు మోసపోవద్దని కోరారు. అందుకు నిరసనగా హైదరాబాద్‌ ఇందిరాపార్క్‌ ధర్నా చౌక్‌లో గ్రీన్‌ ఆర్మీ ఆధ్వర్యంలో చలో హైదరాబాద్‌ కార్యక్రమం నిర్వహించారు.

Karnataka Farmers Protest in Telangana : రాజకీయ పార్టీ నాయకులు ఇచ్చే తాయిలాలు, వాగ్ధానాలను చూసి ఓటు వేస్తే.. భవిష్యత్‌లో తీవ్ర కష్టాలు పడే ప్రమాదం ఉందని కర్ణాటక రాష్ట్ర రైతు సంఘం(Karnataka State Farmers Union) అధ్యక్షుడు చంద్రశేఖర్‌ హెచ్చరించారు. కర్ణాటకలో కాంగ్రెస్‌ ప్రభుత్వం రైతులను మోసం చేసిందన్నారు. అందుకే తెలంగాణ రైతులను జాగృతం కావాలని.. ప్రభుత్వాల హామీల వల్ల తాము మోసపోయినట్లు తెలంగాణ ప్రజలు మోసపోవద్దని కోరారు. హైదరాబాద్‌ ఇందిరాపార్క్‌ ధర్నా చౌక్‌లో కర్ణాటక రాష్ట్ర రైతు సంఘం, గ్రీన్‌ ఆర్మీ ఆధ్వర్యంలో చలో హైదరాబాద్‌ కార్యక్రమం నిర్వహించారు.

Karnataka Farmers Fires on Congress Election Guarantees : ఈ కార్యక్రమంలో కర్ణాటక రాష్ట్రం నుంచి దాదాపు 700 మంది రైతులు, రైతు నాయకులు హాజరయ్యారు. ఈ సందర్భంగా కర్ణాటక కాంగ్రెస్‌ ప్రభుత్వం(Karnataka Congress Govt) ఎన్నికల సమయంలో ఇచ్చిన గ్యారెంటీలు, వాటి అమలు తీరును రైతులకు వివరించారు. ఎన్నికల సమయంలో రాజకీయ పార్టీలు రైతుల గురించి, రైతు సంక్షేమం కోసం ఎన్నో చేస్తామంటూ హామీలను కురిపిస్తారని.. అలాంటి హామీలను చూసి మేము మోసపోయామన్నారు. తెలంగాణ రైతాంగం, విద్యావంతులు, విజ్ఞానవంతులను మోసపోవద్దని కర్ణాటక రైతులు కోరారు.

సమావేశానికి ముందు కొందరు కాంగ్రెస్‌ నాయకులు ధర్నా చౌక్‌లో కర్ణాటక రైతులతో వాగ్వాదానికి దిగారు. కర్ణాటక నుంచి వచ్చి ఇక్కడ ఎందుకు ధర్నా చేస్తున్నారని ప్రశ్నించారు. ఇక్కడ కర్ణాటక రైతులు ధర్నా చేయవద్దని హెచ్చరించారు. కాంగ్రెస్‌ నాయకులకు, కర్ణాటక రైతులకు వాగ్వాదం జరిగింది. అనంతరం పోలీసులు సర్ది చెప్పడంతో కాంగ్రెస్‌ నాయకులు అక్కడి నుంచి వెళ్లిపోయారు.

ఆరు గ్యారెంటీల పేరిట అబద్దపు హామీల సరికొత్త నాటకం : తెలంగాణ ప్రజలు కాంగ్రెస్‌ (Congress Party) ఇచ్చిన హామీలు నమ్మి మోసపోవద్దని, కర్ణాటకలో కాంగ్రెస్‌ ప్రభుత్వం ఘోరంగా విఫలమైందని రైతులు ఆందోళన వ్యక్తం చేస్తున్నారు. కర్ణాటక రాష్ట్రంలో కాంగ్రెస్​ ప్రభుత్వం హామీలో ఇచ్చిన ఐదు గ్యారెంటీలు అమలుకు నోచుకోవడం లేదన్నారు. ప్రస్తుతం తెలంగాణలోనూ ఆరు గ్యారెంటీలని అబద్దపు హామీలతో ఆ పార్టీ సరికొత్త నాటకానికి తెరలేపిందని రైతు సంఘ నాయకులు అన్నారు.