ఈనెల 28న ప్రారంభంకానున్న కన్హాశాంతివనం

ప్రపంచంలోనే అతిపెద్ద యోగా కేంద్రానికి భాగ్యనగరం వేదిక కాబోతుంది. హైదరాబాద్ నుంచి షాద్​నగర్​కి వెళ్లే దారిలోని చేగూరు గ్రామంలోని కన్హాశాంతి వనంలో ఏర్పాటు చేసిన భారీ మెడిటేషన్ కేంద్రం ఈ నెల 28న ప్రారంభించనున్నారు.

ప్రపంచంలోనే అతిపెద్ద యోగాకేంద్రం ఈనెల 28న ప్రారంభంకానుంది. హైదరాబాద్​ నుంచి షాద్​నగర్​ వెళ్లేదారిలో చేగూరు గ్రామంలోని కన్హాశాంతి వనంలో నిర్మించిన భారీ మెడిటేషన్​ కేంద్రం ఏర్పాటు చేశారు. హార్ట్ ఫుల్నెస్ సంస్థ ఆధ్వర్యంలో 30 ఎకరాల విస్తీర్ణంలో లక్ష మంది ఒకే చోట మెడిటేషన్ చేసేందుకు వీలుగా దీనిని నిర్మించారు.

ఆ సంస్థ 75 వసంతాలు పూర్తి చేసుకున్న సందర్భంగా ఏర్పాటు చేసిన ఈ మెడిటేషన్ కేంద్రం ఐకానిక్ డిజైన్​గాను నిలవనుంది. ఈ నెల 28న హార్ట్ ఫుల్నెస్ సంస్థ గ్లోబల్ గైడ్ దాజి దీనిని ప్రజలకు అంకితం చేయనున్నారు. కార్యక్రమానికి ప్రముఖ యోగా గురు బాబా రామ్​దేవ్ హాజరుకావొచ్చని సమాచారం.

ఇదీ చూడండి: రేపు సాయంత్రంలోగా రానున్న మున్సిపల్ ఫలితాలు