ఒకటి రెండ్రోజుల్లో తెలుగు రాష్ట్రాల మధ్య అంతరాష్ట్ర సర్వీసులపై ఆర్టీసీ చర్చలు కొలిక్కి వచ్చే అవకాశాలు కన్పిస్తున్నాయి. హైదరాబాద్ ఎర్రమంజిల్లోని రోడ్లు భవనాల కార్యాలయంలో ఆర్టీసీ సీఎండీ సునీల్‌శర్మ... ఏపీఎస్ ఆర్టీసీ అధికారులతో టెలికాన్పరెన్స్‌ ద్వారా అంతరాష్ట్ర సర్వీసులపై మాట్లాడారు.
లక్షా 60 వేల కిలోమీటర్లకు సంబంధించి రూట్‌మ్యాప్ను ఇప్పటికే టీఎస్ ఆర్టీసీకి... ఏపీఎస్ ఆర్టీసీ పంపింది. ముఖ్యంగా హైదరాబాద్- విజయవాడ రూట్లపై స్పష్టత వస్తే రెండు, మూడురోజుల్లో రెండురాష్ట్రాల మధ్య చర్చలు కొలిక్కి వచ్చే అవకాశం ఉన్నట్లు తెలుస్తోంది. రెండు రాష్ట్రాల మధ్య సర్వీసులకు సంబంధించిన దస్త్రం ప్రస్తుతం సీఎం కేసీఆర్... వద్ద ఉన్నట్లు తెలుస్తోంది. సీఎం అంగీకరిస్తే ఇరు రాష్ట్రాల మధ్య బస్సులు ప్రారంభమయ్యే అవకాశం ఉన్నట్లు ఆర్టీసీ అధికారులు పేర్కొంటున్నారు.
ఇదీ చూడండి: ఓటుకు నోటు కేసులో ఎమ్మెల్యే సండ్ర వెంకట వీరయ్య, ఉదయ్ సింహ డిశ్చార్జ్ పిటిషన్లు
