బోర్డ్‌ ఆఫ్‌ డిసేబుల్డ్‌ క్రికెట్ అసోసియేషన్‌ ఇండియా(బీడీసీఏ) ఆధ్వర్యంలో ఇండియా వర్సెస్ బంగ్లాదేశ్ అంతర్జాతీయ 'దివ్యాంగుల క్రికెట్ సిరీస్-2021’ను జూన్ 23 నుంచి నిర్వహించనున్నట్లు బీడీసీఏ ముఖ్య కార్యదర్శి కె.రామిరెడ్డి ప్రకటించారు. దేశంలోని వివిధ రాష్ట్రాల్లో దాదాపు 25 రోజుల పాటు మ్యాచ్లు ఉంటాయని పేర్కొన్నారు. హైదర్‌గూడలో ఏర్పాటు చేసిన విలేకరుల సమావేశంలో ఈ విషయాన్ని ప్రకటించారు. చల్లా గ్రూప్‌ సీఈఓ ఈశ్వరన్తో కలిసి.. క్రికెట్ సిరీస్‌కు సంబంధించిన గోడ ప్రతులు, బ్రోచర్లను ఆవిష్కరించారు.
ఒకటో వన్డేలో భాగంగా.. హైదరాబాద్ వేదికగా జూన్ 23 నుంచి నాలుగు రోజుల పాటు టెస్ట్‌ మ్యాచ్లు ఉంటాయాన్నారు రామిరెడ్డి. 2వ వన్డే విశాఖపట్నం, 3వ వన్డే బెంగళూరు, 3 టీట్వంటీ సిరీస్‌లను జైపూర్‌లో నిర్వహించనున్నట్లు వివరించారు. తేదీలను త్వరలోనే వెల్లడిస్తామన్నారు. ఈశ్వరన్ మాట్లాడుతూ.. తమ గ్రూప్‌ తరఫున ఈ క్రికెట్ సిరీస్ను సమర్పిస్తున్నట్లు పేర్కొన్నారు. కార్యక్రమంలో.. సంస్థ ప్రతినిధులు మహమూద్ అలీ ఖురేషీ, నయీముద్దీన్‌, ఖేలో ఇండియా క్రీడాకారులు, ఇండియన్‌ టీమ్‌ కెప్టెన్‌ వై.వసంత్‌ కుమార్‌ తదితరులు పాల్గొన్నారు.
ఇదీ చదవండి: ఐపీఎల్: సురేశ్ రైనా ఖాతాలో మరో ఘనత
