మైగ్రంట్స్ రైట్స్ అండ్ వెల్ఫేర్ ఫోరం అధ్యక్షుడు కోటపాటి నర్సింహ నాయుడు ఆధ్వర్యంలో ప్రవాస కార్మిక నాయకులు తెరాస పక్షనేత నామ నాగేశ్వర రావును హైదరాబాద్లో కలిశారు. గల్ఫ్ దేశాలకు వెళ్లే భారతీయులకు కనీస వేతనాలు ఉండేలా ఒప్పందాలు ఉండాలన్నారు. గల్ఫ్ దేశాల ప్రభుత్వాలు నుంచి ఎలాంటి ప్రతిపాదన లేకున్నా.. భారత ప్రభుత్వం రిక్రూటింగ్ ఏజెన్సీలు, విదేశీ కంపెనీల ఒత్తిడికి తలొగ్గి భారత ప్రవాసీ కార్మికులకు అన్యాయం చేస్తోందని నామకు తెలిపారు. కేంద్ర ప్రభుత్వం ఎలాంటి చర్చలు, అధ్యయనం చేయకుండా ఏకపక్షంగా గల్ఫ్ కార్మికులకు కనీస వేతనాలు తగ్గిస్తూ జారీ చేసిన ఉత్తర్వులను వెనక్కి తీసుకునేలా కేంద్రంపై ఒత్తిడి తీసుకురావాలని నామను కోరారు.
కార్మికుల సమస్యపై కేంద్రమంత్రికి లేఖ రాయటంతో పాటు పార్లమెంట్ ప్రశ్నోత్తరాల సమయంలో ఈ అంశం లేవనెత్తుతాను. కరోనాతో ఉపాధి కోల్పోయిన కార్మికులకు కేంద్ర ప్రభుత్వం తీసుకొచ్చిన ఉత్తర్వులు శాపంగా మారాయి. కేంద్రం వీటిని వెంటనే రద్దు చేయాలి.
నామ నాగేశ్వర రావు, లోక్సభ తెరాస పక్షనేత
ఖతార్, బహ్రెయిన్, ఒమన్, యూఏఈ దేశాలకు వెళ్లే కార్మికుల నెలసరి వేతనాలను 200 డాలర్లు(రూ.15 వేలు), కువైట్ 245 డాలర్లు, సౌదీ అరేబియా 324 డాలర్లకు తగ్గిస్తూ భారత ప్రభుత్వ విదేశీ వ్యవహారాల మంత్రిత్వ శాఖ, ఓవర్సీస్ ఎంప్లాయిమెంట్ అండ్ ప్రొటెక్టర్ జనరల్ ఆఫ్ ఎమిగ్రంట్స్ డివిజిన్లోని డైరెక్టర్ స్థాయి అధికారుల పేరిట సెప్టెంబర్ 8న, 21న రెండు వేర్వేరు సర్య్కులర్లు జారీ చేశారు.
ఇదీ చదవండి: లోన్యాప్‌లపై నమోదైన కేసుల అంశంలో స్పందించిన ఆర్‌బీఐ
