పారా క్రీడల పట్ల అవగాహన కల్పించే లక్ష్యంతో ఆదిత్యా మెహతా ఫౌండేషన్ ఆధ్వర్యంలో ఏర్పాటు చేసిన ఇన్ఫినిటీ రైడ్ను హైదరాబాద్లో గవర్నర్ తమిళిసై సౌందర రాజన్ ప్రారంభించారు. నవంబర్ 19న కశ్మీర్లో ప్రారంభమైన ఈ రైడ్.. హైదరాబాద్ చేరుకున్న సందర్భంగా గవర్నర్ వారికి అభినందనలు తెలిపారు. ఈ పారా సైకిలిస్ట్లు డిసెంబర్ 31 నాటికి ఏపీ, కర్నాటక, తమిళనాడు మీదుగా కన్యాకుమారి చేరుకోనున్నారు.
ఈ సందర్భంగా దివ్యాంగులు అత్యద్భుత శక్తి కలవారుగా తమిళిసై అభివర్ణించారు. కొవిడ్ సమయంలో నేరుగా ఏ కార్యక్రమంలోనూ పాల్గొనలేదన్న గవర్నర్.. తొలిసారి దివ్యాంగులను ప్రోత్సహించే ఇన్ఫినిటీ రైడ్లో పాల్గొనటం గర్వంగా ఉందని తెలిపారు.
కార్యక్రమానికి నటి మంచు లక్ష్మి, మోడల్ శిల్పారెడ్డి, నటి రెజీనా కసాండ్ర, శోభూ యార్లగడ్డ సహా పలువురు సినీ ప్రముఖులు హాజరయ్యారు.
ఇన్ఫినిటీ రైడ్ను ప్రారంభించిన గవర్నర్ తమిళిసై
