2014లో తెలంగాణ ఆవిర్భవించిన నాటి నుంచి జూన్‌ 2న రాష్ట్ర ప్రభుత్వం హైదరాబాద్‌తోపాటు జిల్లాల్లో అవతరణ దినోత్సవాలను ఘనంగా నిర్వహిస్తోంది. ఇందులో భాగంగా.. ఉత్తమ సేవలు అందించిన శాఖలు, అధికారులు, ఉద్యోగులకు సేవా పురస్కారాలను సైతం అందజేస్తోంది.
కరోనా కారణంగా గతేడాది ప్రభుత్వం ఈ ఉత్సవాలను రద్దు చేసింది. సీఎం కేసీఆర్‌ (CM KCR) హైదరాబాద్‌లోని ప్రగతిభవన్‌లో, మంత్రులు, కలెక్టర్లు జిల్లా కేంద్రాల్లో జాతీయ జెండాలను ఎగురవేశారు. ఈ సారి కరోనా వ్యాప్తి తీవ్రస్థాయిలో ఉండటంతోపాటు ఆంక్షలతో లాక్‌డౌన్‌ (Telangana Lockdown) అమలవుతోంది. దీంతో ఈ ఏడాది కూడా అవతరణ వేడుకలను నిర్వహించకూడదని ప్రభుత్వం ప్రాథమిక నిర్ణయానికి వచ్చింది. గత ఏడాది మాదిరే ఈ సారి సీఎం ప్రగతిభవన్‌లో, మంత్రులు, కలెక్టర్లు జిల్లా కేంద్రాల్లో జెండాలను ఎగురవేయాలని ప్రభుత్వం (Government) నిర్ణయించినట్లు సమాచారం. దీనిపై ప్రభుత్వం ఒకటి, రెండు రోజుల్లో అధికారికంగా ఆదేశాలు జారీ చేయనుంది.
ఇదీ చూడండి: ts Budget: బడ్జెట్ కేటాయింపుల్లో సర్దుబాటుపై ఆర్థికశాఖ కసరత్తు
