గూగుల్ పే కస్టమర్ కేర్ పేరుతో సైబర్ నేరగాళ్లు ఓ వ్యక్తిని మోసం చేశారు. గూగుల్ పే ద్వారా హైదరాబాద్ మాసబ్ట్యాంక్కు చెందిన రాజేష్ అనే వ్యక్తి ఫోన్ రీఛార్జ్ చేశాడు. రీఛార్జ్ కాకపోవడం వల్ల... కస్టమర్ కేర్ కోసం ఆ వ్యక్తి గూగుల్లో సెర్చ్ చేశాడు. అక్కడ ఉన్న ఓ నంబర్‌కు కాల్ చేసి తన సమస్యను వివరించారు. అదే అదనుగా భావించిన సైబర్ నేరగాళ్లు.. తక్షణం ఫోన్ రీఛార్జ్ కావాలంటే తాము పంపించిన లింక్‌ను యాక్సెప్ట్ చేయాలని బాధితుడిని నమ్మించారు.
ఆ వెంటనే లింక్‌ పంపించగా.. బాధితుడు యాక్సెప్ట్ చేశాడు. బాధితుడి యూపీఐ నంబర్ ద్వారా 64వేల రూపాయలను సైబర్ నేరగాళ్లు కాజేశారు. మోసాన్ని గ్రహించిన బాధితుడు రాజేష్.. హైదరాబాద్ సైబర్ క్రైమ్ పోలీసులను ఆశ్రయించాడు. కేసు నమోదు చేసుకున్న పోలీసులు దర్యాప్తు చేస్తున్నారు.
ఇవీ చూడండి:బోయిన్‌పల్లి పీఎస్‌ పరిధిలో ఇంటర్‌ విద్యార్థిని అదృశ్యం
