గోమాతను జాతీయ జంతువుగా ప్రకటించాలని డిమాండ్‌ చేస్తూ... ఈనెల 21న ఇందిరా పార్క్‌ వద్ద 'గో మహాధర్నా' నిర్వహించనున్నట్లు యుగ తులసి ఫౌండేషన్ అధ్యక్షుడు శివకుమార్‌ తెలిపారు. గో సేన ఫౌండేషన్, యుగ తులసి ఫౌండేషన్, సంయుక్త ఆధ్వర్యంలో తలపెట్టిన ఈ మహాధర్నా కేంద్ర, రాష్ట్ర ప్రభుత్వాలకు కనువిప్పు కలిగే విధంగా నిర్వహించబోతున్నట్లు ఆయన ప్రకటించారు.
తమ ప్రయత్నానికి స్వామీజీలు, పీఠాధిపతులు మద్దతు ఇవ్వాలని సోమాజిగూడలో నిర్వహించిన సమావేశంలో ఆయన కోరారు. గోవధ నివారించే చట్టాలు వచ్చేదాకా తమ పోరాటం కొనసాగుతుందని స్పష్టం చేశారు. అవసరమైతే రాష్ట్రాన్ని దిగ్బంధం చేస్తామని హెచ్చరించారు.
