హైదరాబాద్ మాదాపూర్ ఐటీ కారిడార్లో నేటి నుంచి సాధారణ పరిస్థితి నెలకొంటుందని ఐటీ, పరిశ్రమల శాఖ ప్రధాన కార్యదర్శి జయేశ్ రంజన్ పేర్కొన్నారు. బుధవారం కంటే గురువారం పరిస్థితి మెరుగ్గా ఉందన్నారు. మాదాపూర్లో భారత పరిశ్రమల సమాఖ్య(సీఐఐ) వార్షిక వేడుకలకు ఆయన హాజరయ్యారు.
'ఐటీ కారిడార్లో నేటి నుంచి సాధారణ పరిస్థితి ఉంటుంది'
సైబరాబాద్ పోలీస్ కమీషనర్ కార్యాలయంలో 100 కంపెనీలతో సమావేశం జరిగినట్లు జయేశ్ రంజన్ తెలిపారు. ఆయా కార్యలయాల పరిసరాలను శుభ్రంగా ఉంచుకోవాలని సూచించామన్నారు. వ్యక్తిగతంగా జలుబు, దగ్గు లాంటివి ఉన్న ఉద్యోగులను.. ఇంటి నుంచి పనిచేసే అవకాశం ఇవ్వాలని కోరామన్నారు. ప్రభుత్వ పరంగా అన్ని చర్యలు తీసుకుంటున్నామని, త్వరలో జరగబోయే వింగ్స్ కాన్ఫరెన్స్ యధాతథంగా జరగనున్నట్లు జయేశ్ తెలిపారు.
ఇవీ చూడండి: 'రవాణా సంస్థల్లో స్క్రీనింగ్ కేంద్రాలు ఏర్పాటు చేయండి'
