పరీక్షా కాలం..!

ఇంటర్​ పరీక్షలకు విద్యార్థులతోపాటు అధికారులూ సిద్ధమయ్యారు. కట్టుదిట్టమైన భద్రత నడుమ పరీక్షలు జరపాలని మంత్రి ఆదేశాలు జారీ చేశారు. సమయానికి ఒక్కసెకను ఆలస్యమైనా... కేంద్రంలోకి విద్యార్థులను అనుమతించమని అధికారులు అంటున్నారు.

నేటి నుంచి ఇంటర్మీడియట్ పరీక్షలు ప్రారంభం కానున్నాయి. మొత్తం 1277 కేంద్రాల్లోపరీక్షలు నిర్వహించేందుకు బోర్డు ఏర్పాట్లు చేయగా... 9 లక్షల 42 వేల మంది విద్యార్థులు పరీక్షలకు హాజరుకానున్నారు. ఉదయం 9 గంటల నుంచి మధ్యాహ్నం 12 గంటలకు జరగనున్న పరీక్షకు... ఒక్క నిమిషం ఆలస్యమైనా హాలులోకి అభ్యర్థులను అనుమతించబోమని ఇంటర్మీడియట్ బోర్డు కార్యదర్శి అశోక్​కుమార్​ స్పష్టం చేశారు.

భద్రత నడుమ పరీక్షలు
విద్యార్థుల సౌకర్యార్థం ఈసారి హాల్ టికెట్లను ఆన్‌లైన్ నుంచి కూడా డౌన్‌లోడ్ చేసుకునే వెసులుబాటును కల్పించారు. మాల్ ప్రాక్టీస్, కాపీయింగ్​కు పాల్పడితే డిబార్​తో పాటు.. క్రిమినల్ కేసులు ఎదుర్కోవాల్సి ఉంటుందని బోర్డు స్పష్టం చేసింది. 24 వేల 508 మంది ఇన్విజిలేటర్లను నియమించగా.. 50 మంది ఫ్లయింగ్, 200 మంది సిట్టింగ్ స్క్వాడ్​లు అదనంగా పనిచేయనున్నారు.
మంత్రి ఆదేశాలు...
అంతకుముందు అశోక్​ కుమార్​తో విద్యాశాఖమంత్రి జగదీశ్​రెడ్డి ఏర్పాట్లపై సమీక్ష నిర్వహిచారు. ​పరీక్ష కేంద్రాల్లో విధి నిర్వహణలో ఉన్న ఏ సిబ్బంది చరవాణులు వాడకూడదని మంత్రి ఆదేశించారు. ప్రతీ కేంద్రం వద్ద సీసీ కెమెరాలు ఏర్పాటు చేసి, 144 సెక్షన్ అమలుపర్చాలని మంత్రి ఆదేశించారు.

ఇదీ చదవండి:పాక్​పై ద్వేషం లేదు