పోలీసు ఉన్నతాధికారుల నుంచి హోంగార్డు వరకూ అందరూ హరితహారంలో పాల్గొనాలని... కనీసం ఒక్క మొక్కనైనా నాటాలని డీజీపీ మహేందర్రెడ్డి సూచించారు. తెలంగాణ ప్రభుత్వం చేపట్టిన ఈ కార్యక్రమంలో అన్ని శాఖలు పాల్గొంటున్నాయని చెప్పారు. మొక్కలు నాటడానికి... వాటిని కాపాడటానికి పోలీసులు తమ వంతు కృషి చేయాలని కోరారు.
ప్రస్తుతం ఉన్న వారితో పాటు శిక్షణ పొందుతున్న దాదాపు పదివేలమంది పోలీసు అభ్యర్థులు సైతం మొక్కలు నాటాలని స్పష్టం చేశారు. దీనిపై ప్రతి ఒక్క పోలీసు అధికారి శ్రద్ధ చూపాలని... ఈ నివేదికలను పోలీసు ప్రధాన కార్యాలయానికి పంపాలని ఆదేశించారు.
హరితహారంలో పోలీసులు భాగస్వాములవ్వాలి
