ప్రతి ఒక్కరూ తమకు తోచినంత సహయపడే స్వభావాన్ని అలవాటు చేసుకోవాలని సీపీ సజ్జనార్ సూచించారు. సైబరాబాద్ పోలీసుల సహకారంతో డిగ్నిటీ డ్రైవ్ ఫౌండేషన్ నిర్వహిస్తున్న రెండో మెగా వార్షిక ఆహర పంపిణీ కార్యక్రమాన్ని దృశ్యమాధ్యమ సమావేశం ద్వారా ఆయన ప్రారంభించారు. ప్రస్తుతం ఉన్న పరిస్థితుల్లో అవసరం ఉన్న వారికి ఆహారం అందిచటం చాలా గొప్ప విషయమని.. ఇప్పటి వరకూ 5వేల మందికి ఈ ఫౌండేషన్ ద్వారా లాక్డౌన్ సమయంలో కడుపు నిండా భోజనం దొరికిందని సీపీ పేర్కొన్నారు.
డిగ్నిటీ డ్రైవ్ ఫౌండేషన్ లాక్డౌన్ సమయంలో హైదరాబాద్తో పాటు విజయవాడ, గుంటూరు ప్రాంతాల్లో వేల మందికి ఆహారాన్ని అందించారని కార్యక్రమంలో పాల్గొన్న గుంటూరు జాయింట్ కలెక్టర్ దినేష్ కుమార్ కొనియాడారు. మరింత మందికి ఈ సంస్థ ఆహారాన్ని అందించేందుకు పలు ఎన్జీవోలు ముందుకు రావాలని ఆయన కోరారు.
ఇదీ చూడండి: నగరాన్ని పర్యాటక ప్రదేశంగా తీర్చిదిద్దుతాం’
