ఫేస్బుక్ అకౌంట్ హ్యాక్ చేసిన సైబర్ నేరగాళ్లు ఓ వ్యక్తి వద్ద నుంచి లక్ష రూపాయలు దోచేశారు. తాను ఇబ్బందుల్లో ఉన్నానని వెంటనే లక్ష రూపాయలు అకౌంట్లో జమ చేయాలని తన స్నేహితుడు ఆర్మీ జవాన్ రాములుకి మెసేజ్ పెట్టారు. వెంటనే ఆ అకౌంట్కి లక్ష రూపాయలను ఆర్మీ జవాన్ బదిలీ చేశారు.
డబ్బులు అకౌంట్లో వేశానని తన స్నేహితుడికి జవాన్ కాల్ చేసి చెప్పారు. తాను డబ్బులు అడగలేదని స్నేహితుడు జవాన్కు బదులిచ్చారు. కంగుతిన్న జవాన్ తన స్నేహితుడితో కలిసి ఫేస్బుక్ అకౌంట్ హ్యాక్ అయిందని హైదరాబాద్ సైబర్ క్రైమ్ పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు.
