TS ICET 2022 Counseling Schedule Released: రాష్ట్ర వ్యాప్తంగా వివిధ కళాశాలల్లో ఎంబీఏ, ఎంసీఏ కోర్సుల ప్రవేశాల కోసం కౌన్సిలింగ్‌ షెడ్యూలను సాంకేతిక విద్య కమిషనర్ నవీన్ మిత్తల్ విడుదల చేశారు. ఈసారి రెండు విడతల్లో కౌన్సిలింగ్‌ ప్రక్రియ ఉంటుందని వివరించిన ఆయన... మొదట విడద కౌన్సిలింగ్‌ అక్టోబర్‌ 8 నుంచి ప్రారంభం అవుతుందని తెలిపారు. రెండో విడత అదే నెల 23న ప్రారంభం కానునట్లు ఆయన వివరించారు.
అక్టోబరు 10 నుంచి 13 వరకు జరగనున్న ధ్రువపత్రాల పరిశీలనకు 8 నుంచి 12 వరకు స్లాట్‌బుకింగ్ చేసుకోవాలి. అక్టోబరు10 నుంచి 15 వరకు కోర్సులు, కాలేజీల వెబ్‌ ఆప్షన్లు నమోదుచేసుకోవాలి. అక్టోబరు 18న ఎంబీఏ, ఎంసీఏ తొలి విడత సీట్ల కేటాయిమని సాంకేతిక విద్యా కమిషనర్ నవీన్ మిత్తల్ తెలిపారు. అక్టోబరు 18 నుంచి 21 వరకు సెల్ఫ్‌రిపోర్టింగ్ చేయాలని ఆయన పేర్కొన్నారు.
తుదివిడత కౌన్సెలింగ్ ప్రక్రియ అక్టోబరు 23న ప్రారంభంకానుందని వివరించారు. అక్టోబరు 28న స్పాట్ అడ్మిషన్ల మార్గదర్శకాలు విడుదల చేస్తామని పేర్కొన్నారు.
ఇవీ చదవండి:
