హైదరాబాద్లో కుటుంబ కలహాలతో ఓ పోలీస్ కానిస్టేబుల్ ఆత్మహత్యాయత్నం చేసుకున్నాడు. చైతన్యపురి పోలీస్స్టేషన్లో విధులు నిర్వహిస్తున్న కానిస్టేబుల్ నరేష్ గురువారం రాత్రి విధులు ముగించుకుని.. హాయత్నగర్లోని తన ఇంటికి వెళ్తున్నాని చెప్పాడు.
అనంతరం పోలీస్స్టేషన్కు ఫోన్ చేసి తనకు కుటుంబ సమస్యలు ఉన్నానంటూ.. చనిపోతున్నానని చెప్పి ఫోన్ పెట్టేశాడు. దీంతో నరేష్ కోసం పోలీసులు గాలింపు చర్యలు చేపట్టి... గడ్డి అన్నారం ఫ్రూట్ మార్కెట్లో ఉన్నట్లుగా గుర్తించారు. నరేష్ అప్పటికే పురుగుల మందు తాగి స్పృహ కోల్పోయినట్లు పోలీసులు గమనించారు. చికిత్స నిమిత్తం హుటాహుటిన కొత్తపేటలోని ఓ ప్రైవేటు ఆస్పత్రికి తరలించారు.
నరేష్, అతని భార్యకు కొన్ని నెలలుగా వివాదాలు తలెత్తుతున్నాయని.. వారికి ఓ కుమారుడు, కూతురు ఉన్నారని పోలీసులు పేర్కొన్నారు. ప్రస్తుతం తానూ ఒంటరిగా ఉంటూ జీవనం సాగిస్తున్నాడని అన్నారు. ఇటీవలే చైతన్యపురి పీఎస్కు బదిలీపై వచ్చాడని, విధుల్లో చురుగ్గా ఉండేవాడిని పోలీసులు వెల్లడించారు. ఆస్పత్రిలో ఉన్న కానిస్టేబుల్ పరిస్థితి విషమంగా ఉందని.. దర్యాప్తు అనంతరం పూర్తి వివరాలు తెలుస్తాయని పోలీసులు వివరించారు.
ఇదీ చూడండి : ప్రేమికుడే హంతకుడా... అత్యాచారం జరిగిందా?
