అధిక వర్షాలకు పంటలు దెబ్బ తిని... నష్టపోయిన రైతులను ఆదుకోవాలని సీఎం కేసీఆర్కు కాంగ్రెస్ ఎమ్మెల్సీ జీవన్ రెడ్డి లేఖ రాశారు. వరి పంట నీట మునిగిందని... కనీసం కోతలకు దిగే పరిస్థితి కూడా లేదని ఆయన పేర్కొన్నారు. రెవెన్యూ శాఖ ద్వారా పంట నష్టంపై అంచనా వేసి కేంద్రానికి పంపాలని కోరారు. కేంద్ర ప్రభుత్వ సహకారంతో ఇన్పుట్ సబ్సిడీ వచ్చేట్లు చూడాలన్నారు. రుణమాఫీ పట్ల స్పష్టత ఇవ్వాలని, లేకపోతే బ్యాంకర్లు నమ్మడం లేదన్నారు. కనీసం బ్యాంకులకైనా రైతుకి రుణాలను ఇచ్చేట్లు అదేశాలు జారీ చేయాలని డిమాండ్ చేశారు. తడిసిన ధాన్యం, రంగుమారిన వరి ధాన్యం కొనుగోలు చేయాలని కోరారు. మొక్కజొన్నని మార్క్ఫెడ్ ద్వారా కొనుగోలు చేసి... మద్దతు ధర ఇవ్వాలని సీఎంకు విజ్ఞప్తి చేశారు.
రైతులను ఆదుకోవాలని ముఖ్యమంత్రికి జీవన్రెడ్డి లేఖ
ఇవీ చూడండి: హైకోర్టు ప్రతిపాదనపై ఏం చేద్దాం..?
