CM Revanth Reddy vs KTR About Drugs in Telangana : మత్తు పదార్థాలపై అసెంబ్లీలో వాడీవేడీ చర్చ సాగింది. బీఆర్ఎస్ పాలనలో గంజాయి, మత్తు పదార్థాలకు, డ్రగ్స్కు అడ్డాగా మారిందని సీఎం రేవంత్ రెడ్డి(CM Revanth Reddy) విమర్శించారు. డ్రగ్స్ కోరల్లో చిక్కుకున్న పంజాబ్ మాదిరే రాష్ట్రాన్ని తయారు చేశారని ధ్వజమెత్తారు. మత్తు పదార్థాల కట్టడికి ప్రభుత్వం కట్టుబడి ఉందని తెలిపారు. డ్రగ్స్ విషయంలో ముఖ్యమంత్రి రేవంత్ రెడ్డి చేసిన వ్యాఖ్యలను బీఆర్ఎస్ ఎమ్మెల్యే కేటీఆర్ ఖండించారు. శాసనసభలో గవర్నర్(Governor) ప్రసంగానికి ధన్యవాదాలు తెలిపే తీర్మానంపై చర్చ సాగింది. ఈ క్రమంలో అధికార, విపక్షాలు విమర్శలు చేసుకున్నారు.
Telangana CM Revanth Reddy Serious About Drugs : ఆనాడు డ్రగ్స్ ఘటనపై సిట్(SIT) వేయాలని పోరాటం చేశామని ముఖ్యమంత్రి రేవంత్ రెడ్డి తెలిపారు. డ్రగ్స్ కోరల్లో చిక్కుకున్న పంజాబ్ మాదిరే రాష్ట్రాన్ని తయారు చేశారని విమర్శించారు. డ్రగ్స్ను అరికట్టేందుకు ఈ ప్రభుత్వం పటిష్ఠ ప్రణాళికతో ముందుకు వెళుతోందని అన్నారు. డ్రగ్స్(Durges) విషయంలో ఇకపై ఎంతటి వారినైనా ఉపేక్షించేది లేదని స్పష్టం చేశారు.
"ఉమ్మడి రాష్ట్రంలో డ్రగ్స్ గురించి చర్చ లేకుండే. గంజాయి మత్తు లేకుండే. లిక్కర్ అతి తక్కువగా ఉండేది. కానీ ఈ రోజు ఏ పేపర్ చూసిన, టీవీ చూసిన గంజాయి మత్తులో దాడులు జరుగుతున్నాయి. ఆరేళ్ల బాలికపై గంజాయి మత్తులో అత్యాచారం చేస్తే నాటి ప్రభుత్వం ఏమీ చేయలేదు. పంజాబ్ మాదిరే తెలంగాణ తయారయ్యింది డ్రగ్స్ విషయంలో. డ్రగ్స్ ఘటనపై సిట్ వేయాలని పోరాటం చేసి హైకోర్టుకు వెళ్లాము. ఇక నుంచి రాష్ట్రంలో డ్రగ్స్ అంటే జైలుకే. న్యాబ్ ఏర్పాటు కాగితాలకు పరిమితం అయింది." -రేవంత్ రెడ్డి, సీఎం
రాష్ట్రంలో డ్రగ్స్ వాడకంపై సీఎం సీరియస్ : రాష్ట్ర సరిహద్దుల్లోకి డ్రగ్స్, గంజాయి వస్తే సంహించేది లేదన్నారు. వీటి వెనుక ఎంత పెద్దవాళ్లు ఉన్నా జైలుకు వెళ్లాల్సిందేనని చెప్పారు. గత ప్రభుత్వం నామమాత్రంగా టీఎస్ న్యాబ్(TS Nab) ఏర్పాటు చేశారని సీఎం రేవంత్ రెడ్డి పేర్కొన్నారు. న్యాబ్ ఏర్పాటు కాగితాలకు మాత్రమే పరిమితమైందన్నారు. న్యాబ్కి సిబ్బంది, నిధులు ఇవ్వలేదని రేవంత్ రెడ్డి విమర్శించారు.
"టీఎస్ న్యాబ్ అనేది ఏర్పాటు చేసిందే తమ ప్రభుత్వం. సీవీ ఆనంద్ను తీసుకువచ్చి డైరెక్టర్గా కూర్చోబెట్టాం. పంజాబ్ గురించి డ్రగ్స్ విషయంలో మాట్లాడారు. అసలు పంజాబ్లో మొన్నటి వరకు ఉన్నదే కాంగ్రెస్ ప్రభుత్వం. తెలంగాణ డ్రగ్స్ నివారణకు బీఆర్ఎస్ పార్టీ ప్రభుత్వానికి పూర్తి మద్దతుగా ఉంటుంది." -కేటీఆర్, బీఆర్ఎస్ ఎమ్మెల్యే
KTR Condemned CM Revanth Reddy Comments : ముఖ్యమంత్రి రేవంత్ రెడ్డి చేసిన విమర్శలను కేటీఆర్ ఖండించారు. డ్రగ్స్ నివారణ కోసం సమర్థులైన అధికారులను నియమించామన్నారు. డ్రగ్స్ కట్టడి కోసం బీఆర్ఎస్(BRS)నే టీఎస్ న్యాబ్ ఏర్పాటు చేసిందన్నారు. మత్తు పదార్థాల కట్టడి కోసం ప్రత్యేకంగా అధికారిని నియమించామని వివరించారు. మత్తు పదార్థాల నివారణలో ప్రభుత్వానికి పూర్తి మద్దతు ఉంటుందని వెల్లడించారు.
ఫామ్‌ హౌస్‌ వడ్లపై విచారణకు సిద్ధమా : రేవంత్ రెడ్డి
'సీఎం రేవంత్ రెడ్డికి పంటల బీమాకు, రైతు బీమాకు తేడా తెలియదు'
