ఎన్‌ఎస్‌యూఐ కార్యకర్తలను అరెస్టు చేయడాన్ని సీఎల్పీ నేత విక్రమార్క ఖండించారు. ఎమ్మెల్యేలకే పోలీస్స్టేషన్‌కు అనుమతి లేదనడం ఏంటని ప్రశ్నించిన ఆయన.. అవి ఏమైనా తెరాస పార్టీ కార్యాలయాలా అని ప్రశ్నించారు. ప్రభుత్వ కార్యాలయాలకు ఎమ్మెల్యేలకు ఎందుకు అనుమతి ఉండదని నిలదీశారు. విద్యార్థుల సమస్యలపై ఈనెల 18న కాంగ్రెస్ పార్టీ రాష్ట్ర వ్యాప్తంగా ఆందోళన కార్యక్రమాలు చేపడుతున్నట్లు భట్టి వెల్లడించారు. కరోనాతో పిల్లల చదువు ఎలా అని విద్యార్థుల తల్లదండ్రులు అవేదన చెందుతున్నట్లు పేర్కొన్నారు.
సమగ్రమైన విద్యావిధానాన్ని ప్రకటించాలని ఎన్‌ఎస్‌యూఐ ప్రభుత్వాన్ని కోరిందన్నారు. ప్రైవేటు విద్యా సంస్థల్లో పాఠాలు చెబుతుండగా..ప్రభుత్వ పాఠశాలల్లో పరిస్థితి ఏంటో స్పష్టత లేదన్నారు. జూన్ నుంచి ఆగస్టు వరకు సిలబస్ నష్టపోకుండా విద్యార్థుల పరిస్థితిపై ప్రభుత్వం స్పష్టం చేయాలని డిమాండ్‌ చేశారు. 62 లక్షల మంది విద్యార్ధుల భవిష్యత్తుతో ప్రభుత్వం ఆడుకుంటోందని ఆరోపించారు.
ఇదీ చూడండి : 'విద్యార్థుల గురించి ప్రభుత్వం, అధికారులు పట్టించుకోరు'
