రిపబ్లిక్ డే సందర్భంగా సికింద్రాబాద్ రైల్వే స్టేషన్లో తనిఖీలు

గణతంత్ర వేడుకలను దృష్టిలో ఉంచుకుని సికింద్రాబాద్​ రైల్వే పోలీసులు, రైల్వే రక్షక దళం పోలీసులు సంయుక్తంగా తనిఖీలు నిర్వహించారు. ప్రయాణికుల బ్యాగులను, వారి వస్తువులను డాగ్​ స్క్వాడ్ సహాయంతో పరిశీలించారు. ఎలాంటి అవాంఛనీయ సంఘటనలు జరగకుండా ముందస్తు ఏర్పాట్లు చేశామని పోలీసులు తెలిపారు.

గణతంత్ర దినోత్సవాన్ని పురస్కరించుకొని సికింద్రాబాద్ రైల్వే స్టేషన్లో రైల్వే పోలీసులు, రైల్వే రక్షక దళం పోలీసులు సంయుక్తంగా తనిఖీలు నిర్వహించారు. ఈ సందర్భంగా సికింద్రాబాద్ రైల్వే స్టేషన్లో ప్రత్యేక భద్రతని ఏర్పాటు చేశారు. అన్ని ప్లాట్ ఫామ్​లతో పాటు వెయిటింగ్ హాల్, పార్కింగ్ పరిసర ప్రాంతాలను క్షుణ్నంగా తనిఖీ చేశారు.

రైల్వేస్టేషన్లో ప్రయాణికుల బ్యాగులను, వారి వస్తువులను డాగ్​ స్క్వాడ్ సహాయంతో పరిశీలించారు. రిపబ్లిక్ డే సందర్భంగా ఎలాంటి అవాంఛనీయ సంఘటనలు చోటు చేసుకోకుండా ముందస్తుగా ఈ తనిఖీలు చేపట్టినట్లు రైల్వే పోలీసులు పేర్కొన్నారు. రైల్వే స్టేషన్​లో ఎవరైనా అనుమానాస్పదంగా కనిపిస్తే ఆర్పీఎఫ్ సెక్యూరిటీ టోల్ ఫ్రీ నెంబర్ 182కు సమాచారం అందించాలని ఆర్పీఎఫ్ ఇన్​స్పెక్టర్​ బెన్నయ్య తెలిపారు.

ఇదీ చూడండి: 18 కిలోల గంజాయి స్వాధీనం.. ఇద్దరు అరెస్ట్