మొజంజాహీ మార్కెట్​లో ఆర్టీసీ బస్సు బోల్తా

హైదరాబాద్​లోని మొజంజాహీ మార్కెట్ వద్ద లారీ, ఆర్టీసీ బస్సు ఢీ కొని బస్సు బోల్తా పడింది. బస్సు డ్రైవర్​తో పాటు ఏడుగురు ప్రయాణికులకు స్వల్ప గాయాలయ్యాయి. క్షతగాత్రులను స్థానిక ఉస్మానియా ఆసుపత్రికి తరలించారు.

హైదరాబాద్ మొజంజాహీ మార్కెట్ కూడలి వద్ద ఆర్టీసీ సూపర్ లగ్జరీ బస్సు బోల్తా పడింది. సిగ్నల్ మలుపు వద్ద లారీ బస్సును ఢీకొనగా ఈ ఘటన సంభవించింది. బస్సు డ్రైవర్​తో సహా ఏడుగురు ప్రయాణికులకు స్వల్ప గాయాలయ్యాయి. బాధితులను బేగంబజార్​లోని ఉస్మానియా ఆసుపత్రికి తరలించారు. బోల్తా పడ్డ బస్సు(TS01 Z 0146) ఆదిలాబాద్ డిపోకి చెందినదిగా పోలీసులు గుర్తించారు. లారీ, బస్సును పోలీస్​ స్టేషన్​కు తరలించారు.

ఇవీ చూడండి: ఇరు రాష్ట్రాల అధికారులతో గవర్నర్ భేటీ వాయిదా