జీహెచ్ఎంసీలో గెలుపే లక్ష్యంగా భాజపా ప్రచారం ముమ్మరం చేసింది. జగద్గిరిగుట్ట భాజపా అభ్యర్థి మహేష్ యాదవ్ తరపున నిజామాబాద్ ఎంపీ ధర్మపురి అర్వింద్ ఎన్నికల ప్రచారంలో పాల్గొన్నారు. ప్రజలు వరదల్లో చిక్కుకుంటే సాయం అందించలేని ప్రభుత్వానికి ఈ ఎన్నికల్లో బుద్ధిచెప్పాలన్నారు. ఆరేళ్లలో ఒక్క ఉద్యోగమైనా ఇచ్చారా అని ప్రశ్నించారు.
ఎన్నికలకు మరో మూడు నెలలు సమయముండగా ఆగమేఘాల మీద పెట్టాల్సిన అవసరమేంటని మండిపడ్డారు. రెండు పడక గదుల ఇళ్లు, నిరుద్యోగ భృతి హామీలు ఏమయ్యాయి అని ధ్వజమెత్తారు. గ్రేటర్ అభివృద్ధికి భాజపాకు గెలిపించాలని ఎంపీ అర్వింద్ ప్రజలకు విజ్ఞప్తి చేశారు.
