భారత్ స్కౌట్స్ అండ్ గైడ్స్ రాష్ట్ర మండలి సమావేశం రాజ్ భవన్ దర్బార్ హాల్లో ఈరోజు జరిగింది. స్కౌట్స్ అండ్ గైడ్స్ రాష్ట్ర అధ్యక్షులు గవర్నర్ తమిళిసై, రాష్ట్ర చీఫ్ కమిషనర్ కవితతో పాటు రాష్ట్ర సంఘం సభ్యులు, ఉన్నతాధికారులు సమావేశంలో పాల్గొన్నారు. ఇటీవల దిల్లీలో జరిగిన గవర్నర్ల సమావేశంలో రాష్ట్రపతి వద్ద తెలంగాణ స్కౌట్స్ అండ్ గైడ్స్ పనితీరును వివరించానని గవర్నర్ తెలిపారు.
అత్యుత్తమ ప్రతిభ కనబర్చేందుకు ఎల్లప్పుడూ సిద్దంగా ఉండాలని, మాతృభూమి పట్ల ప్రేమ, మహిళలపై గౌరవం, జీవితంలో నీతి, నిజాయతీలకు ప్రతినిధులకు ఉండాలని తమిళిసై ఆకాంక్షించారు. రాష్ట్ర స్కౌట్స్ అండ్ గౌడ్స్ పనితీరుపై నివేదికను చీఫ్ కమిషనర్ కవిత సమర్పించారు. నిజామాబాద్, కరీంనగర్ తదితర యూనిట్లు అద్భుత పనితీరును కనబర్చాయని వివరించారు. మంచి పనితీరును కనబర్చిన స్కౌట్స్ అండ్ గైడ్స్ కు గవర్నర్ ప్రశంసాపత్రాలు అందించారు.
ఇదీ చూడండి : రెండేళ్లయినా తీర్పు అమలు చేయకపోవటంపై హైకోర్టు ఆగ్రహం
