పంచాయతీరాజ్ శాఖ ముఖ్యకార్యదర్శి గోపాలకృష్ణ ద్వివేది, కమిషనర్ గిరిజాశంకర్పై జారీ చేసిన సెన్సూర్ ప్రొసీడింగ్స్ను ఏపీ ప్రభుత్వం ఎస్ఈసీకి తిప్పిపంపింది. అఖిలభారత సర్వీసు అధికారులపై సెన్సూర్ ప్రొసీడింగ్స్ను జారీ చేసే అధికారం ఎస్ఈసీకి లేదని సీఎస్ కార్యాలయం అభ్యంతరం వ్యక్తం చేసింది. అధికారుల నుంచి వివరణ కోరేలా నోటీసు కూడా జారీ చేయకుండా సెన్సూర్ ప్రోసీడింగ్స్ను ఎవరూ జారీ చేయలేరని రాష్ట్ర ప్రభుత్వం స్పష్టం చేసింది.
ఇద్దరు అధికారులకు షోకాజ్ నోటీసును కూడా ఎస్ఈసీ ఇవ్వలేదని.. వారి నుంచి సంబంధిత అభియోగాలకు వివరణ తీసుకోకుండా ఈ ప్రొసీడింగ్స్ను జారీ చేయలేరని పేర్కొంది. పంచాయతీరాజ్ శాఖ ముఖ్యకార్యదర్శి గోపాలకృష్ణ ద్వివేది, కమిషనర్ గిరిజాశంకర్... ఎన్నికల విధుల్లో నిర్లక్ష్యం వహించారని పేర్కొంటూ ఎస్ఈసీ సెన్సూర్ ప్రొసీడింగ్స్ జారీ చేశారు. వారి సర్వీసు రికార్డుల్లో ఈ రిమార్కులు నమోదు చేయాలంటూ రాష్ట్ర ఎన్నికల కమిషనర్ 9 పేజీల ప్రోసీడింగ్స్ను ఇచ్చారు. వీటిని ప్రభుత్వ ప్రధాన కార్యదర్శితో పాటు కేంద్ర సిబ్బంది వ్యవహారాల శాఖకు కూడా పంపించారు.
ఇదీ చదవండి: పీఆర్సీ నివేదికపై భగ్గుమన్న ఉద్యోగ సంఘాలు..
