నేడు రాష్ట్రానికి అమిత్‌ షా- 23 తర్వాత అగ్రనేతల విస్తృత ప్రచారం

Amit Shah Telangana Tour Schedule 2023 : కేంద్రమంత్రి అమిత్​ షా రెండు రోజుల పర్యటన నిమిత్తం రాష్ట్రానికి రానున్నారు. నేడు రాత్రి నగరానికి చేరుకోనున్న ఆయన.. శనివారం రోజున రాష్ట్రంలో బిజీబిజీగా గడపనున్నారు. పలు బహిరంగ సభల్లో పాల్గొని ప్రచారం నిర్వహించనున్నారు. అనంతరం అదే రోజు రాత్రి తిరిగి దిల్లీకి చేరుకోనున్నారు.

Amit Shah Telangana Tour Schedule 2023 : కేంద్ర హోం శాఖ మంత్రి అమిత్‌ షా నేడు తెలంగాణకు రానున్నారు. రెండు రోజుల పర్యటన నిమిత్తం రాష్ట్రానికి వస్తున్న అమిత్‌ షా.. ఈరోజు రాత్రి 11 గంటలకు బేగంపేట విమానాశ్రయానికి చేరుకుంటారు. అక్కడి నుంచి నేరుగా బేగంపేటలోని ఐటీసీ కాకతీయ హోటల్‌కు 11: 30కి చేరుకుని రాత్రి అక్కడే బస చేస్తారు. శనివారం ఉదయం అల్ఫాహారం అనంతరం 10: 30 గంటలకు సోమాజిగూడలోని కత్రియా హోటల్​కు చేరుకుని బీజేపీ ఎన్నికల మేనిఫెస్టోను ప్రకటించి ప్రసంగించనున్నారు.

ఈ కార్యక్రమం అనంతరం బేగంపేట విమానాశ్రయం నుంచి హెలికాప్టర్‌లో గద్వాల్‌కు బయలుదేరి వెళ్లనున్నారు. మధ్యాహ్నం 12:45 గంటల నుంచి 1: 20 గంటల వరకు గద్వాల, 2:45 నుంచి 3:20 గంటల వరకు నల్గొండ, సాయంత్రం 4:10 నుంచి 4:45 గంటల వరకు వరంగల్​లో నిర్వహించే సకల జనుల విజయ సంకల్ప సభల్లో పాల్గొననున్నారు. వరంగల్ పర్యటన ముగించుకుని బేగంపేట ఐటీసీ కాకతీయ హోటల్​కు 6:10కు చేరుకుని 6: 45 వరకు విశ్రాంతి తీసుకోనున్నారు.

రాత్రి 7 గంటల నుంచి 7:45 గంటల వరకు సికింద్రాబాద్ క్లాసిక్ గార్డెన్​లో ఎమ్మార్పీఎస్ నేతలతో అమిత్‌ షా సమావేశం కానున్నారు. ప్రధానమంత్రి నరేంద్ర మోదీ ఎస్సీ వర్గీకరణకు చట్టబద్ధత కల్పిస్తామని ఇటీవల హామీ ఇచ్చారు. ఈ నేపథ్యంలోనే ఎమ్మార్పీఎస్‌ ముఖ్య నేతలతో అమిత్‌ షా సమావేశం కానున్నారు. ఎన్నికల్లో బీజేపీకి మద్దతు తెలపడంతో పాటు ఈ అంశాన్ని ప్రజల్లోకి విస్తృతంగా తీసుకెళ్లాలని ఎమ్మార్పీఎస్‌ నేతలకు దిశానిర్దేశం చేయనున్నారు. క్లాసిక్‌ గార్డెన్‌లో సమావేశం ముగించుకుని అక్కడి నుంచి నేరుగా బేగంపేట విమానాశ్రయానికి చేరుకుంటారు. రాత్రి 8: 15 గంటలకు బేగంపేట విమానాశ్రయం నుంచి ప్రత్యేక విమానంలో తిరుగు ప్రయాణం కానున్నారు.

అమిత్​ షా పూర్తి షెడ్యూల్​ ఇదే..:

• ఈరోజు రాత్రి 11 గంటలకు బేగంపేట విమానాశ్రయానికి ప్రత్యేక విమానంలో రానున్న అమిత్​ షా
• 11:30 గంటలకు కాకతీయ హోటల్​కు చేరుకుని అక్కడే బస
• శనివారం ఉదయం 10:30 గంటలకు పార్టీ మేనిఫెస్టో విడుదల
• మధ్యాహ్నం 12:45 గంటల నుంచి 1: 20 గంటల వరకు గద్వాల సభలో ప్రసంగం
• మధ్యాహ్నం 2:45 నుంచి 3:20 గంటల వరకు నల్గొండ సభకు హాజరు
• సాయంత్రం 4:10 నుంచి 4:45 గంటల వరకు వరంగల్​ సభకు హాజరు
• వరంగల్ పర్యటన ముగించుకుని 6: 10 గంటలకు కాకతీయ హోటల్​కు
• 6:10 గంటల నుంచి 6: 45 వరకు విశ్రాంతి
• రాత్రి 7 గంటల నుంచి 7:45 వరకు ఎమ్మార్పీఎస్ నేతలతో సమావేశం
• రాత్రి 8: 15 గంటలకు బేగంపేట నుంచి ప్రత్యేక విమానంలో దిల్లీకి ప్రయాణం

23 తర్వాత అగ్ర నేతల విస్తృత ప్రచారం..: ఇదిలా ఉండగా.. ఈ నెల 23 తర్వాత తెలంగాణలో బీజేపీ అగ్ర నేతలు విస్తృతంగా ఎన్నికల ప్రచారం చేయనున్నారు. రాజస్థాన్ ఎన్నికల ప్రచారం ఈ నెల 23తో ముగుస్తుండటంతో తెలంగాణపై ఫోకస్ పెట్టనున్నారు. ఐదు రోజుల్లో 50 సభలకు ప్లాన్ చేస్తున్నారు. ప్రచారానికి ప్రధాని, అమిత్ షా, జేపీ నడ్డా, యోగి ఆదిత్యనాథ్, హిమంత బిశ్వశర్మ, ఏక్​నాథ్ షిండే, కేంద్రమంత్రులు, జాతీయ నాయకులు రానున్నారు.