భూరికార్డుల సవరణ కార్యక్రమం అవినీతి అధికారులను కోటీశ్వరులను చేసిందని ఆల్‌ ఇండియా కిసాన్ కాంగ్రెస్ వైస్ ఛైర్మన్ కోదండరెడ్డి ఆరోపించారు. గత 32 మాసాలుగా కొత్త పట్టాదారు పాసుపుస్తకాలు లేక రైతులు నానా అవస్థలు పడుతున్నారని పేర్కొన్నారు. ఈ మేరకు ముఖ్యమంత్రి కేసీఆర్కు బహిరంగ లేఖ రాశారు.
సీఎం నియోజకవర్గంలో దళిత రైతు తన పట్టాభూమిని ప్రభుత్వం అక్రమంగా లాక్కుందని మరణ వాగ్మూలంలో చెప్పి చనిపోయినా... ఆ ఘటనపై ఇప్పటి వరకు విచారణ జరగలేదని విమర్శించారు. ఇటీవల కీసర తహసీల్దార్ కోటి రూపాయలు లంచం తీసుకొని పట్టుబడితే ఆ విషయాలు బయటకు రాకుండా ప్రభుత్వం తొక్కిపెట్టిందని ఆక్షేపించారు. మియాపూర్‌లోని వివాదాస్పద భూములతో సహా ఎన్ని లక్షల ఎకరాలు గుర్తించారని కోదండరెడ్డి ప్రశ్నించారు.
