దేవాలయాలు కూలిస్తే అంతే సంగతి: వంశీచంద్‌ రెడ్డి

సచివాలయంలో దేవాలయం, మసీదులను కూల్చివేసి ప్రజల మనోభావాలను దెబ్బతీసేలా ముఖ్యమంత్రి కేసీఆర్‌ వ్యవహరిస్తున్నారని ఏఐసీసీ కార్యదర్శి వంశీచంద్‌ రెడ్డి ఆరోపించారు. కర్ణాటక మాజీ మంత్రి గాలి జనార్దన్​ రెడ్డి ఓబుళాపురం గనులలోని ఇనుప ఖనిజాన్ని దోచుకునే దుర్భుద్ధితో సుంకులమ్మ దేవాలయాన్ని కూల్చి వేయడం వల్ల ఆ దేవత శాపానికి గురై శిక్ష పడిందని చెప్పారు.

హైదరాబాద్​లోని సచివాలయంలో దేవాలయం, మసీదులను కూల్చివేయడం దారుణమని ఏఐసీసీ కార్యదర్శి వంశీచంద్‌ రెడ్డి అన్నారు. మనోభావాలను దెబ్బతీసేలా సీఎం కేసీఆర్​ వ్యవహరిస్తున్నారని ఆరోపించారు. గతంలో ఇలా వ్యవహరించిన వారికి శిక్ష తప్పలేదన్నారు.

కర్ణాటక మాజీ మంత్రి గాలి జనార్దన్​ రెడ్డి ఓబుళాపురం గనులలోని ఇనుప ఖనిజాన్ని దోచుకునే దుర్భుద్ధితో సుంకులమ్మ దేవాలయాన్ని కూల్చి వేయడం వల్ల ఆ దేవత శాపానికి గురై శిక్ష పడిందని ఉదహరించారు. ఇప్పుడు కేసీఆర్ తన కుమారుడిని ముఖ్యమంత్రి చేయాలన్న ఆలోచనతోనే కొత్త సచివాలయం నిర్మిస్తున్నారని విమర్శించారు.

ఇదీ చూడండి: ఆస్తికోసం కొడుకుల కుట్ర.. ఆలయంలో తలదాచుకున్న తల్లి..