'లాక్​డౌన్​ ముగిసేవరకు పేదలకు సాయమందిస్తాం'

కరోనా వైరస్ బారి నుంచి ప్రజల్ని కాపాడటానికి ఓ వైపు నిరంతరం విధులు నిర్వహిస్తూనే మరోవైపు లాక్​డౌన్​ వల్ల ఉపాధి లేక ఇబ్బంది పడుతోన్న పేదలు, వలస కూలీలకు తెలంగాణ పోలీసులు సాయం చేస్తున్నారు. హైదరాబాద్​ సుల్తాన్​బజార్​ పోలీసులు పేదలు, కూలీలు, పారిశుద్ధ్య కార్మికులకు నిత్యావసరాలు అందజేశారు.

హైదరాబాద్​లో లాక్​డౌన్​తో ఉపాధి లేక ఇబ్బంది పడుతోన్నపేదలు, వలస కూలీలకు సుల్తాన్​ బజార్​ పోలీసులు చేయూతనిచ్చారు. పేదలకు, కూలీలు, పారిశుద్ధ్య కార్మికులకు నిత్యావసరాలు అందజేశారు.

గోషామహల్​ నియోజకవర్గంలో లాక్​డౌన్​ వల్ల ఉపాధి లేక ఇబ్బంది పడుతోన్న పేదలు, వలస కార్మికులకు ఆదిత్య కృష్ణ ట్రస్ట్ చేయూతనిస్తోంది. 54 రోజులుగా అబిడ్స్, సుల్తాన్​ బజార్ వంటి పలు ప్రాంతాల్లోని పేదలకు నిత్యావసరాలు అందజేస్తున్నారు.

లాక్​డౌన్​ ముగిసే వరకు పేదలు, వలస కూలీలకు అండగా ఉంటామని ట్రస్ట్ ఛైర్మన్ నందకిశోర్ బిలాల్ తెలిపారు. కరోనా వంటి ఆపత్కాలంలో తమకు చేతనైనంత సాయం చేస్తున్నామని చెప్పారు.