హైదరాబాద్లో ఓవైసీలు...
హైదరాబాద్ లోక్సభ నుంచి మూడున్నర దశాబ్ధాలుగా ఓవైసీ కుటుంబమే ప్రాతినిధ్యం వహిస్తోంది. 1984లో మొదటిసారి గెలిచిన సలావుద్దీన్ ఓవైసీ 1999 వరకు వరుసగా 6సార్లు విజయం సాధించారు. 2004 నుంచి ఆయన తనయుడు అసదుద్దీన్ ఓవైసీ హ్యాట్రిక్ సాధించి నాలుగోసారి బరిలో ఉన్నారు.
నాగర్కర్నూల్లో 20ఏళ్ల తరువాత మల్లు రవి మరోసారి బరిలో దిగారు. 1991 నుంచి 1999 వరకు నాలుగు సార్లు పోటీ చేసి 2సార్లు గెలిచారు. ఖమ్మం నుంచి రేణుక చౌదరి నాలుగోసారి పోటీకి సిద్ధమయ్యారు. 1999 నుంచి 2009వరకు 3సార్లు పోటీ చేసి 2సార్లు విజయం సాధించారు. 2009లో భువనగిరి పార్లమెంటు నియోజకవర్గం ఏర్పడ్డప్పటి నుంచి కోమటిరెడ్డి సోదరులు బరిలో ఉంటున్నారు. 2009, 2014లో రాజగోపాల్ రెడ్డి పోటీ చేయగా... ఈసారి వెంకట్రెడ్డి బరిలో నిలిచారు.
పెద్దపల్లిలో కాకా...
పెద్దపల్లి నియోజకవర్గం అంటే గుర్తొచ్చేది వెంకటస్వామి అలియాస్ కాకా. 1989 తరువాత కాకా కుటుంబం నుంచి అభ్యర్థి లేకుండా తొలిసారి లోక్సభ ఎన్నిక జరుగుతోంది. 6సార్లు ఇక్కడి నుంచి పోటీ చేసిన కాకా 4సార్లు విజయం సాధించారు. 2009లో ఆయన తనయుడు వివేకానంద రాజకీయ అరంగేట్రం చేసి తొలిసారి గెలుపుబావుటా ఎగురవేశారు. 2014లో మాత్రం తెరాస అభ్యర్ధి బాల్క సుమన్ చేతిలో ఓడిపోయారు. తర్వాత గులాబీ తీర్ధం పుచ్చుకున్నా టికెట్ దక్కించుకోలేకపోయారు.
ఇవీ చూడండి:ఎన్నికల్లో దండయాత్ర
