భద్రాద్రి కొత్తగూడెం జిల్లా భద్రాచలంలో పేద కుటుంబం దయనీయ స్థితిపై ఈటీవీ భారత్, ఈటీవీలో ప్రచురితమైన కథనంపై పలువురు స్పందించారు. లాక్‌డౌన్‌ కారణంగా చేతిలో చిల్లిగవ్వ లేని ఓ తల్లి... అనారోగ్యంతో చనిపోయిన కుమారుడి మృతదేహాన్ని రిక్షాలో తీసుకెళ్లింది. దహనసంస్కారాలు చేసే స్థామత లేక గోదారి ఒడ్డున ఇసుకలో పూడ్చిపెట్టింది.
తల్లి దీన స్థితిపై ఈటీవీ భారత్లో "ఈ బాధ ఏ తల్లికి రావొద్దు.. రిక్షాపై తీసుకెళ్లి అంత్యక్రియలు" పేరుతో ప్రచురితమైన కథనానికి పలువురు స్పందించి ఆర్థిక సాయం అందించారు. తాజాగా... మదర్ థెరిసా ట్రస్టు స్పందించి బాధిత కుటుంబానికి నిత్యావసర సరకులు, ఇతర సామగ్రి, నగదు అందజేసి వారికి అండగా నిలిచింది.
ఇదీ చూడండి: ఈ బాధ ఏ తల్లికి రావొద్దు.. రిక్షాపై తీసుకెళ్లి అంత్యక్రియలు
