భద్రాద్రి కొత్తగూడెం జిల్లా అశ్వాపురం మండలం అమ్మగారిపల్లి గ్రామం వద్ద చేపట్టిన సీతమ్మ సాగర్ బహుళార్థసాధక ప్రాజెక్టు కాపర్ డ్యాం కాంక్రీట్ పనులు ఈ నెలాఖరులోగా ప్రారంభించాలని సీఎంవో కార్యదర్శి స్మితా సబర్వాల్... జనవనరుల శాఖ ఇంజినీరింగ్ అధికారులను ఆదేశించారు.
హైదరాబాద్ నుంచి హెలికాఫ్టర్ ద్వారా మణుగూరు చేరుకున్న స్మితాసబర్వాల్ సింగరేణి విశ్రాంత భవనంలో జలవనరుల ఇంజినీరింగ్ అధికారులు, ఎల్ అండ్ టీ ఏజెన్సీలతో సీతారామ ప్రాజెక్టు, సీతమ్మ సాగర్ ప్రాజెక్టు పనులపై సమీక్షా సమావేశం నిర్వహించారు.
36.57 టీఎంసీల నీటి నిల్వ సామర్థ్యంతో... సీతమ్మ సాగర్ ప్రాజెక్టు నిర్మాణం జరుగుతున్నట్లు తెలిపారు. వ్యవసాయానికి సమృద్ధిగా సాగునీరు అందించేందుకు నీటి నిల్వ సామర్థ్యం కోసం నిర్మిస్తున్న ప్రతిష్ఠాత్మక ప్రాజెక్టు పనులు యుద్ధ ప్రాతిపదికన జరుగుతూ ఉండాలని సూచించారు.
ఇదీ చూడండి :
- లాక్డౌన్ ఎఫెక్ట్: వైన్సుల ముందు బారులు తీరిన మందుబాబులు
