నిత్యావసర సరకులు పంపిణీ చేసిన యువకులు

కరోనా కాలంలో ఆదిలాబాద్​ జిల్లా పెంచికలపేట మండలం యువకులు పలు కుటుంబాలకు అండగా నిలుస్తూ ఆదర్శంగా నిలుస్తున్నారు. ఉపాధి కోల్పోయిన కుటుంబాలకు నిత్యావసర సరుకులు పంపిణీ చేశారు.

కొవిడ్​ సమయంలో ఉపాధి లేక బాధపడుతోన్న పలు కుటుంబాలకు అండగా నిలుస్తున్నారు ఆదిలాబాద్​ జిల్లా పెంచికలపేట మండలం యువకులు. పలువురికి నిత్యావసర సరుకులు అందజేసి మానవత్వం చాటుకుంటున్నారు.

మహమ్మారి వేగంగా వ్యాప్తి చెందుతుండడం వల్ల పెంచికలపేట మండలంలోని పలు గ్రామాలు స్వచ్ఛంద లాక్​డౌన్ పాటిస్తున్నాయి. ఎల్లూరు, మేరు గూడ, కోయ చిచ్చాల గ్రామాలకు చెందిన కొంతమంది రోజువారి కూలీలు.. లాక్​డౌన్​ కారణంగా ఉపాధి కోల్పోయారు.

విషయం తెలుసుకున్న సామాజిక కార్యకర్త తిరుపతి.. తన మిత్ర బృందంతో కలిసి ఆయా కుటుంబాలకు నిత్యావసర సరుకులు పంపిణీ చేశారు. బియ్యం, పప్పులతో పాటు 15 రోజులకు సరిపడా సామాగ్రిని అందజేశారు.

ఇదీ చూడండి: 'మీలో మీరు బాధపడకండి.. మమ్మల్ని సంప్రదించండి'