గ్రామాలు పరిశుభ్రంగా ఉంటేనే ప్రజలంతా ఆరోగ్యంగా ఉంటారని మంత్రి ఇందకరణ్ రెడ్డి తెలిపారు. పల్లె ప్రగతిలో భాగంగా ప్రతీ గ్రామ పంచాయతీకి ట్రాక్టర్లు పంపిణీ చేసే మొదటి విడత కార్యక్రమాన్ని ఆదిలాబాద్లో మంత్రి ప్రారంభించారు. జిల్లాలో 40 ట్రాక్టర్లను పంపిణీ చేశారు. రెండవ విడత జనవరి 2 నుంచి 11 వరకు జరగనున్నట్లు మంత్రి తెలిపారు. గ్రామాల్లో సంపూర్ణ పారిశుద్ధ్యం దిశగా ట్రాక్టర్లను వినియోగించాలని సూచించారు. గతంలో నిర్వహించిన 30 రోజుల ప్రణాళికను విజయవంతం చేసినట్లుగానే ఈ పది రోజుల ప్రణాళికనూ... గ్రామ పంచాయతీలు సమర్థవంతంగా నిర్వహించాలన్నారు. రాష్ట్ర వ్యాప్తంగా ఉన్న పంచాయతీలన్నీ సంక్రాంతిలోపు ట్రాక్టర్లు కొనుగోలు చేయాలన్నారు. మంచి ఫలితాలు చూపిన పంచాయతీలను ఎంపిక చేసి రాష్ట్ర ప్రభుత్వం నుంచి పురస్కారాలు అందిస్తామని మంత్రి ఇంద్రకరణ్రెడ్డి తెలిపారు.
ఇదీ చూడండి : పాత్రికేయులు, రాజకీయ నాయకుల బంధం విచిత్రమైనది: కవిత
