యూఎస్ టెన్నిస్ టోర్నీ 100 శాతం ప్రేక్షకుల మధ్యలోనే జరుగనుంది. యూఎస్ టెన్నిస్ అసోసియేషన్ (USTA) ఈ విషయాన్ని ప్రకటించింది. జులై నుంచి టికెట్స్ అమ్ముతామని వెల్లడించింది. కరోనా కారణంగా గతేడాది మ్యాచ్లు జరిగినా ప్రేక్షకులను అనుమతించలేదు.
ప్రపంచ వ్యాప్తంగా కరోనా తగ్గుముఖం పడుతోంది. న్యూయార్క్లోనూ కొవిడ్ నిబంధనలను సడలించారు. నగరంలో దాదాపు 70 శాతం మంది టీకా తీసుకున్నారు. జనజీవనం కూడా సాధారణ స్థితిలోకి వస్తుండటం వల్ల యూఎస్ ఓపెన్కు ప్రేక్షకుల అనుమతిపై ఈ నిర్ణయం తీసుకుంది. ఇటీవల జరిగిన ఫ్రెంచ్ ఓపెన్లో ప్రతిరోజూ 5000 మంది ప్రేక్షకులకు అనుమతినిచ్చారు.
ఇదీ చదవండి:Saina: ఒలింపిక్స్ ఆశలు ఆవిరి.. సైనా రిటైర్మెంటేనా?
