ఆస్ట్రేలియన్ ఓపెన్లో భాగంగా రెండో రోజ(మంగళవారం) జరిగిన తొలిరౌండ్లో స్పెయిన్‌ టెన్నిస్ దిగ్గజం రఫెల్ నాదల్ సహా పలువురు స్టార్ ఆటగాళ్లు శుభారంభం చేశారు. వారెవరంటే..
- సెర్బియాకు చెందిన లాస్లొ డెరెను వరుస సెట్లలో 6-3,6-4,6-1 తేడాతో ఓడించాడు సెర్బియా స్టార్ నాదల్. ఫలితంగా రెండో రౌండ్లోకి ప్రవేశించాడు.
- కెనెడా ప్లేయర్ వాసెక్ పోస్పిసిల్పై 6-2,6-2,6-4 తేడాతో విజయం సాధించాడు రష్యాకు చెందిన డేనియల్ మెద్వెదేవ్.
- సెర్బియాకు చెందిన యువ ఆటగాడు కార్లోస్ అల్కెరజ్ వరుస సెట్లలో 6-1,6-4,6-4 తేడాతో డచ్ టెన్నిస్ ఆటగాడు బొటిక్ వన్ ద జ్యాండ్షల్ప్ను ఓడించి తొలి రౌండ్లో నెగ్గాడు.
మహిళల సింగిల్స్.. యష్ బార్టీ (ఆస్ట్రేలియా)
- దాదాపు ఏడాది తర్వాత ఆడుతోన్న తన తొలి గ్రాండ్ స్లామ్ మ్యాచులో ఆస్ట్రేలియా టాప్ టెన్నిస్ ప్లేయర్ యష్ బార్టీకి అదిరే ఆరంభం దక్కింది. ఆస్ట్రేలియన్ ఓపెన్ తొలి రౌండ్లో డంకా కొవినిక్ను 6-0,6-0 తేడాతో ఓడించి రెండో రౌండ్లోకి అడుగుపెట్టింది
సుమిత్ ఔట్
- భారత టెన్నిస్ స్టార్ సుమిత్ నగల్‌ ఈ టోర్నీ నుంచి నిష్క్రమించాడు. పురుషుల సింగిల్స్ విభాగంలో తొలి రౌండ్లో లిథూనియా ఆటగాడు ఆర్‌ బెకరిస్‌ చేతిలో ఓటమిపాలయ్యాడు. దీంతో ఈ టోర్నీ నుంచి సుమిత్ వైదొలిగాడు. రెండు గంటలకు పైగా సాగిన ఈ మ్యాచ్‌లో ఆది నుంచి ఆధిపత్యం చెలాయించిన బెకరిస్‌ చివరికి ఏ సెట్‌లోనూ సుమిత్‌కు అవకాశం ఇవ్వలేదు. భారత స్టార్ రెండో సెట్‌లో గట్టి పోటీ ఇచ్చినా చివరికి బెకరిస్‌ ముందు నిలవలేకపోయాడు. ఈ క్రమంలోనే 2-6, 5-7, 3-6 తేడాతో ఓటమిపాలయ్యాడు.
