అమెరికాలో జరుగుతున్న మయామీ ఓపెన్లో నాలుగోసారి టైటిల్ వేటలో కొనసాగుతున్నాడు ఫెదరర్. ఇప్పటికే మూడుసార్లు విజయం సాధించిన ఈ స్విస్ ఛాంపియన్... మళ్లీ సెమీఫైనల్లో అడుగుపెట్టాడు.
గురువారం కెవిన్ అండర్సన్తో జరిగిన క్వార్టర్ ఫైనల్ మ్యాచ్లో 6-0, 6-4తో వరుస సెట్లలో విజయం సాధించాడు ఫెదరర్. ప్రారంభం నుంచే ప్రత్యర్థిపై ఎదురుదాడికి దిగిన ఈ ఛాంపియన్.. తన అనుభవంతో సునాయసంగా గెలుపొందాడు. 2018 వింబుల్డన్ రన్నరప్గా నిలిచిన కెవిన్కు ఓటమి రుచి చూపించాడు.
- 38 సార్లు ప్రత్యర్థి సర్వీస్ బ్రేక్ చేసిన ఫెదరర్.. ఎక్కడా అవకాశం ఇవ్వలేదు. 26 నిముషాల్లోనే తొలిసెట్ను సొంతం చేసుకున్నాడు. రెండో సెట్లో కెవిన్ కొంత పోటీ ఇచ్చినా చివరకు ఫెదరర్నే విజయం వరించింది.
కెవిన్ 2016 తర్వాత ఎప్పుడూ ఇంత దారుణంగా 6-0తో ఓడిపోలేదు. కెవిన్ అంజర్సన్ 353 సెట్ల తర్వాత మళ్లీ ఖాతా తెరవకుండానే ఓటమి చెందాడు.
ఛాంపియన్లతో కుర్రాళ్ల పోటీ....
ఫెదరర్ 37 ఏళ్లు, జాన్ ఇస్నర్ 33 ఏళ్ల వయసులో మయామీ ఓపెన్లో సెమీ ఫైనల్కు సిద్ధమవుతున్నారు. అయితే వీరిద్దరికీ పోటీ పడాల్సింది ఇద్దరు యువ ఆటగాళ్లతో.
పురుషుల సెమీఫైనల్లో 19 సంవత్సరాల షపోవలావ్ ఫెదరర్తో తలపడనున్నాడు. 18 ఏళ్ల ఫెలిక్స్ ఆగర్ మాజీ ఛాంపియన్ జాన్ ఇస్నర్ తో తొలి మ్యాచ్లో ఆడనున్నాడు.
