2022 బర్మింగ్హామ్ కామన్వెల్త్ పోటీల్లో భారత్ పాల్గొనాలని కోరింది కామన్వెల్త్ ఫెడరేషన్(సీజీఎఫ్). సమస్యలను పరిష్కరించేందుకు సాయపడతామని భారత ఒలింపిక్ సంఘానికి చెప్పింది. ఈ విషయాన్ని సీజీఎఫ్ ప్రతినిధి టామ్ డేగన్ ఈమెయిల్ ద్వారా తెలిపారు.
"కామన్వెల్త్ క్రీడల్లో భారత్ పాల్గొనాలని మేము మనస్ఫూర్తిగా కోరుకుంటున్నాం. భవిష్యత్తులో జరగబోయే సమావేశాలకు హాజరై తమ సమస్యలు, లక్ష్యాల గురించి చర్చించాలి. భారత్ నిర్ణయం మాకు నిరాశ కలిగించింది". -టామ్ డేగన్, సీజీఎఫ్ ప్రతినిధి
ఇంగ్లాండ్ బర్మింగ్హామ్ వేదికగా 2022 కామన్వెల్త్ క్రీడలు జరగనున్నాయి. ఈ టోర్నీ నుంచి షూటింగ్ను తొలగించనున్నారని వార్తలు వస్తున్నాయి. ఈ నేపథ్యంలో ఒకవేళ షూటింగ్ను తొలగిస్తే కామన్వెల్త్ క్రీడలను బహిష్కరిస్తామని క్రీడాశాఖామంత్రి కిరణ్ రిజుజుకు లేఖ రాసింది ఐఓఏ.
ఇది చదవండి: కామన్వెల్త్ క్రీడల్ని బహిష్కరిస్తామని భారత్ హెచ్చరిక
