'డబ్ల్యూడబ్ల్యూఈ'లో దిగ్గజ రెజ్లర్ అండర్టేకర్(అసలు పేరు మార్క్ కాల్వే) శకం ముగిసింది. ఆదివారం జరిగిన డబ్ల్యూడబ్ల్యూఈ డాక్యూసిరీస్ 'ది లాస్ట్ రైడ్'లోని చివరి ఎపిసోడ్(మ్యాచ్)తో అతడు రిటైర్ అయ్యాడు. మ్యాచ్ ముగిసిన వెంటనే ఆయన సహచరులు ఘనంగా వీడ్కోలు పలికారు. అండర్ టేకర్కు సమకాలికులైన ట్రిపుల్ హెచ్, షేన్ మెక్ మహోన్, రకీషీ, షాన్ మైకేల్స్, బిగ్ షో, జేబీఎల్, రిక్ ఫ్లెయిర్, కేన్, మిక్ ఫోలీ తదితరులు వీడ్కోలు కార్యక్రమంలో పాల్గొన్నారు. ఈ మ్యాచ్తో తాను రిటైర్మెంట్ తీసుకుంటానని ఈ ఏడాది జూన్ 22నే అండర్ టేకర్ చెప్పాడు.
"మూడు దశాబ్దాలుగా ఎంతోమంది ప్రత్యర్థులను చిత్తు చేసిన నేను.. వీడ్కోలు చెప్పాల్సిన సమయం వచ్చేసింది. ఇకపై నన్ను ప్రశాంతంగా ఉండనివ్వండి. ఇంతకాలం నాపై ప్రేమ చూపిన అభిమానులకు ధన్యావాదాలు" అని అండర్టేకర్ చెప్పాడు.
1965 మార్చి 24న అండర్ టేకర్ జన్మించాడు. ప్రొఫెషనల్ రెజ్లింగ్ నుంచి డబ్ల్యూడబ్ల్యూఈలోకి అడుగుపెట్టాడు. 1990లో నవంబర్ 22న తొలిసారి సర్వైవర్ సిరీస్తో డబ్ల్యూడబ్ల్యూఈ రింగ్లో అరంగేట్రం చేశాడు. భీకరమైన రూపం, ముఖానికి రంగులు వేసుకుని, రింగుల జుట్టుతో ఎన్నో విన్యాసాలు చేస్తూ మూడు దశాబ్దాలుగా అభిమానుల్ని అలరించాడు. నాలుగుసార్లు డబ్ల్యూడబ్ల్యూఈ ఛాంపియన్షిప్, ఏడుసార్లు డబ్ల్యూడబ్ల్యూఎఫ్ హెవీ వెయిట్ ఛాంపియన్షిప్, మూడుసార్లు వరల్డ్ హెవీ వెయిట్ ఛాంపియన్‌షిప్‌ను సొంతం చేసుకున్నాడు.
'సుబార్భన్ కమాండో', 'బియాండ్ ద మాట్' సినిమాల్లోనూ నటించిన అండర్ టేకర్.. 'స్టోన్ ఏజ్ స్మాక్‌డౌన్', 'స్కూబీ డూ' లాంటి యానిమేషన్ చిత్రాలకు వాయిస్ ఓవర్ అందించాడు.
ఇదీ చూడండి 'డబ్ల్యూడబ్ల్యూఈ' స్టార్ అండర్టేకర్ రిటైర్మెంట్
