భారత్లో మరో గ్రాండ్మాస్టర్ (Chess Grandmaster) అవతరించాడు. మహారాష్ట్రకు చెందిన 18 ఏళ్ల సంకల్ప్ గుప్తా (Sankalp Gupta GM).. 71వ జీఎంగా రికార్డులకెక్కాడు. సెర్బియాలో జరుగుతున్న జీఎం ఆస్క్ 3 రౌండ్ రాబిన్ ఈవెంట్లో రెండో స్థానంలో నిలవడం సహా 6.5 పాయింట్ల సాధించి ఈ ఘనత సాధించాడు. మూడు ఈవెంట్లలోనూ అతడి రేటింగ్ 2599పైనే ఉంది.
గ్రాండ్మాస్టర్ టైటిల్ దక్కించుకునేందుకు మూడు జీఎం నార్మ్స్ను పొందాల్సి ఉంటుంది. దాంతో పాటు 2500 ఎలో పాయింట్లు సాధించాలి. ఈ టోర్నీలో 2500 ఎలో రేటింగ్ మార్క్ను అందుకున్నాడు సంకల్ప్.
గ్రాండ్మాస్టర్ హోదా దక్కించుకున్న సంకల్ప్కు అభినందనలు తెలిపాడు చెస్ దిగ్గజం, ప్రపంచ మాజీ ఛాంపియన్ (Viswanathan Anand News) విశ్వనాథ్ ఆనంద్. 100వ జీఎం అవతరించడానికి ఇంకెంత కాలం పడుతుందో అంటూ ట్వీట్ చేశాడు.
ఇదీ చూడండి: చదరంగంలో 'అతిపిన్న' అభిమన్యుడు
