కంబళ వీరుడు శ్రీనివాసగౌడకు బెంగళూరులో శిక్షణ ఇచ్చేందుకు స్పోర్ట్స్ అథారిటీ ఆఫ్ ఇండియా(శాయ్) సుముఖత వ్యక్తం చేసింది. వంద మీటర్ల పరుగును అతి తక్కువ సమయంలో పూర్తి చేసిన ఘనత సాధించటం వల్ల అతడికి దేశవ్యాప్తంగా గుర్తింపు లభించింది. ఈ కారణంగా శ్రీనివాస్కు తగిన శిక్షణ ఇప్పించాలని సోషల్ మీడియాలో క్రీడాశాఖ మంత్రి కిరణ్రిజుజుకు పలువురు సూచించారు. ఈ విషయంపై స్పందించిన కేంద్రమంత్రి రిజుజు అతడి శిక్షణకు అవసరమైన ఏర్పాట్లు చేయాలని శాయ్కు సూచించారు .
శాయ్ దక్షిణభారత డైరెక్టర్ అజయ్కుమార్ నేతృత్వంలోని అధికారులు ఈ విషయంపై గౌడతో చర్చించి, బెంగళూరులోని స్వరాజ్ మైదానంలో శిక్షణకు రావాలని సూచించారు. శ్రీనివాస్ గౌడకు ట్రాక్‌ల గురించి ఎటువంటి అవగాహన లేదు కాబట్టి అందుకు ప్రాథమిక తర్ఫీదు ఇస్తామని వారు తెలిపారు.
చిత్తడినేలలో కంటే ట్రాక్పై చేసే పరుగులో చాలా వ్యత్యాసం ఉందని శ్రీనివాస్ గౌడ అనుకున్నా.. తర్వాత శిక్షణ పొందటానికి అంగీకరించాడు. కంబళ పోటీలు మార్చి 7తో ముగియనున్నాయి. అయితే ఈ క్రమంలో గౌడ ఏప్రిల్ నుంచి శాయ్లో చేరే అవకాశం ఉంది. ఈ పోటీల్లో ఇప్పటివరకు అతడు 39 పతకాలు సాధించాడు.
ఇదీ చూడండి.. 'భారత బోల్ట్' పరుగు చూశారా? అవి కాళ్లా.. కారు చక్రాలా!
