ఖోఖోలో పురుషులు, మహిళల జట్లకు స్వర్ణాలు

నేపాల్​లో జరుగుతున్న దక్షిణాసియా క్రీడల్లో భారత బృందం మెరిసింది. ఖోఖో విభాగంలో పురుషులు, మహిళల జట్లు బంగారు పతకాలు సొంతం చేసుకున్నాయి.

13వ దక్షిణాసియా పోటీల్లో భారత్​ పురుషులు, మహిళల ఖోఖో జట్లు ఆకట్టుకున్నాయి. ప్రత్యర్థులు బంగ్లాదేశ్​, నేపాల్​లను తుదిపోరులో ఓడించి స్వర్ణపతకాలు కైవసం చేసుకున్నాయి.

2016లో స్వర్ణాన్ని గెలిచిన భారత పురుషుల జట్టు.. ఈ టోర్నీలో బంగ్లాదేశ్​పై 16-9స్కోరు తేడాతో విజయం సాధించింది. మహిళలు 17-5 తేడాతో నేపాల్​పై మెరుపు వేగంతో దూసుకుపోయి గెలిచారు.