Himadas Suspended : భారత స్టార్ అథ్లెట్ హిమదాస్ షాకిచ్చింది నాడా(నేషనల్ ఆంటీ డోపింగ్ ఏజెన్సీ). ఆమెను తాత్కాలికంగా సస్పెండ్ చేసి బ్యాన్ విధించింది. డోపింగ్ టెస్టులకు ఆమె అందుబాటులో లేని కారణంగా ఈ శిక్ష విధించినట్లు పేర్కొంది. 12 నెలల వ్యవధిలో ఆమె మూడుసార్లు ఈ టెస్ట్లకు గైర్హాజరు అయినందు వల్ల ఈ చర్య తీసుకున్నారు అధికారులు.
"ఒక ఏడాది కాలంలో హిమదాస్.. ముడు సార్లు డోపింగ్ టెస్ట్లకు హాజరుకాలేదు. అందుకే ఆమెను తాత్కాలికంగా సస్పెండ్ చేస్తున్నాం" అని ఓ అధికారి తెలిపారు. సాధారణంగా హిమదాస్ చేసిన తప్పునకు గానూ రెండేళ్ల పాటు శిక్షను ఎదుర్కోవాల్సి ఉంటుంది. కానీ ఆమెకు ఏడాది కాలానికి శిక్షను తగ్గించే అవకాశం ఉందని తెలిసింది. కాగా, ఈ 23 ఏళ్ల అస్సాం రన్నర్.. ఈ ఏడాది ప్రారంభంలో తగిలిన కాలి గాయం కారణంగా.. హాంగ్జౌ ఆసియా క్రీడల్లో పాల్గొనే అర్హత కోల్పోయింది. ఈ బిగ్ ఈవెంట్కు ఆమె దూరమవ్వడం పెద్ద షాక్ లాంటిదే. ఈ క్రీడలు సెప్టెంబరు 23 నుంచి అక్టోబరు 8 వరకు జరగనున్నాయి.
Hima Das Gold Medal Asian Games 2018 : 2018లో ప్రపంచ జూనియర్‌ ఛాంపియన్‌షిప్‌లో 400 మీటర్ల పరుగు పందెం విభాగంలో ప్రపంచ ఛాంపియన్‌గా నిలిచి సంచలనం సృష్టించింది హిమ దాస్. ఈ ఘనత సాధించిన భారత తొలి మహిళగా గుర్తింపు సాధించింది. అప్పటి నుంచి ఎన్నో అంతర్జాతీయ పతకాలను ముద్దాడింది. అదే ఏడాది 2018 జకార్త ఆసియా క్రీడల్లో స్వర్ణం, రజతం కూడా సాధించింది. 400 మీటర్ల విభాగంలో ఇండివిడ్యుయల్గా(వ్యక్తిగత) సిల్వర్ మెడల్ను దక్కించుకుంది. అలానే మహిళల 4x400మీటర్ల విభాగంలో, మిక్స్డ్ రిలే 4x400మీటర్ల విభాగంలో కూడా గోల్డ్, సిల్వర్ పతకాలను ముద్దాడింది. ఆమె సేవలను గుర్తించిన అసోం ప్రభుత్వం.. ఆమెకు అప్పుడు డిప్యూటీ సూపరిండెంట్ ఆఫ్ పోలీస్(డీఎస్పీ) పదవిని కట్టబెట్టి సత్కరించింది. ఈ పదవితో పోలీస్ కావాలనే తన చిన్నప్పటి కలను నెరవేర్చుకుంది.
స్టార్ అథ్లెట్ విషయంలో మోసపోయిన సెహ్వాగ్.. అది నిజమని నమ్మి!
