వినేశ్​ విదేశీ శిక్షణకు నిధులు మంజూరు

భారత అగ్రశేణి రెజ్లర్​ వినేశ్​ ఫొగాట్​ విదేశీ శిక్షణకు కేంద్ర ప్రభుత్వం పచ్చజెండా ఊపింది. హంగేరిలో 40రోజుల పాటు ఆమెకు ప్రత్యేక శిక్షణ ఇచ్చేందుకు రూ.15.51 లక్షలు మంజూరు చేసింది.

భారత స్టార్‌ రెజ్లర్‌ వినేశ్‌ ఫొగాట్‌ ప్రతిష్ఠాత్మక టోక్యో ఒలింపిక్స్‌లో పతకమే లక్ష్యంగా పక్కా ప్రణాళికతో ముందుకెళ్తోంది. వచ్చే ఏడాది జనవరి 24 నుంచి ఫిబ్రవరి 5 వరకు హంగేరిలో ఆమె శిక్షణ తీసుకోనుంది.

40 రోజుల పాటు జరిగే ఈ ట్రైనింగ్‌ కోసం కేంద్ర క్రీడాశాఖ రూ.15.51 లక్షలు మంజూరు చేసింది. టార్గెట్‌ ఒలింపిక్‌ పోడియం స్కీమ్‌(టాప్స్‌)లో భాగంగా ఈ మొత్తం కేటాయించినట్లు క్రీడాశాఖ ప్రకటించింది. తన వ్యక్తిగత కోచ్‌ వోలెర్‌ అకోస్‌ పర్యవేక్షణలో సహచర రెజ్లర్‌ ప్రియాంక ఫొగాట్‌తో కలిసి వినేశ్‌ శిక్షణ తీసుకోనుంది.

ఇదీ చూడండి : ప్రభుత్వ ఉద్యోగం వదిలి రాజకీయాల్లోకి రెజ్లర్​ బబిత!