టీమ్ఇండియా పేసర్ ఇషాంత్ శర్మ గాయమైంది. వరల్డ్ టెస్టు ఛాంపియన్షిప్ ఫైనల్ సందర్భంగా కుడిచేతి వేళ్లకు దెబ్బ తగిలింది. దీంతో రెండు వేళ్లకు కుట్లు వేయనున్నారు. అయితే ఇది చిన్న దెబ్బ అని, ఇంగ్లాండ్తో ఐదు టెస్టుల సిరీస్ల కంటే ముందు కోలుకుంటానని ఇషాంత్ ధీమా వ్యక్తం చేస్తున్నాడు. ఇషాంత్ వేళ్లకు కుట్లు వేయనున్నారని, ఇదేమంతా పెద్ద గాయం కాదని బీసీసీఐ అధికారి ఒకరు స్పష్టం చేశారు.
డబ్ల్యూటీసీ ఫైనల్ పూర్తయిన తర్వాత సౌథాంప్టన్ నుంచి లండన్ వెళ్లిపోయింది టీమ్ఇండియా. అక్కడ దాదాపు 20 రోజుల పాటు ఉండనుంది. జులై 14న సమావేశం తర్వాత ఇంగ్లీష్ జట్టుతో తొలి టెస్టు జరగనున్న నాటింగ్హోమ్కు వెళ్లనుంది.
టీమ్ఇండియా-ఇంగ్లాండ్ మధ్య ఐదు టెస్టుల సిరీస్ ఆగస్టు 4 నుంచి సెప్టెంబరు 14 వరకు జరగనుంది. ఇందులో భాగంగా ఇరుజట్లు కచ్చితంగా గెలవాలని ప్రణాళికలు రచిస్తున్నాయి.
ఇవీ చదవండి:
