Worldcup 2022 Ind vs Nz: ఐసీసీ మహిళల వన్డే ప్రపంచకప్లో టీమ్ఇండియాకు తొలి ఓటమి ఎదురైంది. న్యూజిలాండ్తో జరిగిన మ్యాచ్లో 62 పరుగుల తేడాతో ఓడిపోయింది. ప్రత్యర్థి జట్టు నిర్దేశించిన 261 పరుగుల లక్ష్యాన్ని ఛేదించలేక చతికిలపడింది. 46.4ఓవర్లలో 198 పరుగుల చేసి ఆలౌట్ అయింది. హర్మన్ప్రీత్ కౌర్(71) రాణించినా ఫలితం లేకపోయింది. మిథాలీ రాజ్(31), యస్తికా భాటియా(28) నామమాత్రంగా ఆడగా.. మిగతా వారు విఫలమయ్యారు. కివీస్ బౌలర్లలో లి తహుహు, అమెలియా కెర్ తలో మూడు వికెట్లు తీయగా.. హెలే జెన్సన్ 2, జెస్ కెర్, హన్నా రో ఓ వికెట్ను దక్కించుకున్నారు.
అంతకుముందు టాస్ ఓడి బ్యాటింగ్కు దిగిన న్యూజిలాండ్ నిర్ణీత 50 ఓవర్లలో 9 వికెట్ల నష్టానికి 260 పరుగుల మెరుగైన స్కోర్‌ సాధించింది. అమీ సత్తర్వైట్(75), అమెలియా కెర్(50), కెటీ మార్టిన్(41), సోఫీ డివైన్(35) బాగా రాణించారు. భారత బౌలర్లలో పూజా వస్త్రాకర్ 4, రాజేశ్వరి గైక్వాడ్ 2, ఝులన్ గోస్వామి ఓ వికెట్ తీశారు.
ఇదీ చూడండి: న్యూజిలాండ్ ధనాధన్ బ్యాటింగ్.. భారత్ లక్ష్యం ఎంతంటే?
