Virat Kohli Captaincy: విరాట్ కోహ్లీపై ప్రశంసల జల్లు కురిపించాడు రాయల్ ఛాలెంజర్స్ బెంగళూరు డైరెక్టర్ మైక్ హెస్సన్. కోహ్లీ జట్టు కోసం శాయశక్తులా కృషిచేశాడని పొగిడాడు. ఆర్సీబీ కొత్త కెప్టెన్ విషయంలో కోహ్లీని, డివిల్లియర్స్ను సంప్రదించామన్నాడు. ఆర్సీబీ అన్బాక్స్ కార్యక్రమంలో మాట్లాడిన అతడు ఈ వ్యాఖ్యలు చేశాడు.
"ఆర్సీబీ ఫ్రాంచైజీ కోసం విరాట్ కోహ్లీ శాయశక్తులా కృషిచేశాడు. జట్టు విజయం కోసం ప్రాణంపెట్టేశాడు. బాధ్యతల నుంచి తప్పుకుంటున్నాడంటేనే అతడికి విశ్రాంతి కావాలనే విషయం అర్థమవుతోంది. అతడు ఆర్సీబీ సీనియర్ ఆటగాడిగా కొనసాగాలనుకున్నాడు. దానిని మేము ఎంతో గౌరవిస్తున్నాము."
-మైక్ హెస్సన్, డైరెక్టర్ రాయల్ ఛాలెంజర్స్ బెంగళూరు
దక్షిణాఫ్రికాకు చెందిన ఫాఫ్ డుప్లెసిస్ను కొత్త కెప్టెన్గా నియమించింది ఆర్సీబీ. ఈ సారి మెగా వేలంలో అతడిని రూ.7 కోట్లు వెచ్చించి కొనుక్కుంది. గతేడాది చెన్నైకి ఆడిన డుప్లెసిస్ 16 మ్యాచులాడి 633 పరుగులు సాధించాడు. బెంగళూరు తన తొలి మ్యాచ్ పంజాబ్ కింగ్స్తో మార్చి 27న ఆడనుంది.
ఇదీ చదవండి: కోహ్లీ చేసిన పనికి నవ్వులే నవ్వులు.. ఏకంగా మ్యాచ్ మధ్యలో..
