బాలీవుడ్ బ్యూటీ ఊర్వశి రౌతేలా.. అటు బీ టౌన్లోనూ ఇటు క్రికెట్ అభిమానుల నోటిలో ప్రస్తుతం నానే ఏకైక పేరు. ఎందుకంటే ఈ ముద్దుగుమ్మకు కొంతకాలం నుంచి స్టార్ క్రికెటర్ రిషభ్ పంత్తో సోషల్ మీడియా వార్ కొనసాగడమే ఇందుకు కారణం. వీరిద్దరూ విమర్శలు, ప్రతివిమర్శలు చేసుకుంటూ నెటింట్లో హాట్టాపిక్గా మారారు. ముఖ్యంగా ఊర్వశి.. పంత్ పేరు ప్రస్తావించకుండానే అతడి గురించి ఏదో ఒకటి పరోక్షంగా పోస్ట్లు పెడుతూనే ఉంటుంది. తాజాగా ఆమె చేసి ఓ పోస్ట్ ప్రస్తుతం మళ్లీ వైరల్ అయింది. ఏంటంటే.. ఆమె ఇటీవలే ఆస్ట్రేలియాకు వెళ్లింది. ఇన్స్టాలో ఓ ఫొటో షేర్ను చేసింది. "మనసును ఫాలో అయ్యా అది నన్ను ఆస్ట్రేలియాకు తీసుకెళ్లింది" అని రాసుకొచ్చింది. అయితే పంత్ కూడా సిరీస్లో భాగంగా అక్కడే ఉన్నాడు. దీంతో ఊర్వశి పోస్ట్ చూసిన అభిమానులు.. ఆమె రిషభ్ కోసమే వెళ్లిందని విపరీతంగా కామెంట్లు పెడుతున్నారు. కలిసేందుకు వెళ్తోందని కామెంట్లు పెట్టడం ప్రారంభించారు.
ఇంకొంత మంది అభిమానులు ఆగ్రహిస్తూ ఆమెను ట్రోల్ చేయడం ప్రారంభించారు. రిషబ్ను ఈమె వదిలేలా లేదని అంటున్నారు. "నువ్వు నిజంగానే రిషభ్ను ఫాలో అవుతూ ఆస్ట్రేలియాకు వెళ్లావా??" అని ఇంకొంతమంది అడుగుతున్నారు. కాగా, ఇటీవలే ఆసియాకప్లో భాగంగా జరిగిన మ్యాచ్లకు కూడా రౌతేలా హాజరై ట్రోలింగ్కు గురైంది. ఇక ఇటీవలే పంత్ బర్త్డే రోజున కూడా ఓ వీడియోను పోస్ట్ చేసింది. అందులో ఎర్ర డ్రెస్సుల్లో కనపడి సందడి చేసిన ఆమె.. హ్యాపీ బర్త్డే అంటూ క్యాప్షన్ జోడించింది. దీంతో ఆ విషెస్ రిషబ్కే అని నెటిజన్లు కామెంట్లు పెట్టారు.
ఇక అక్టోబర్ 7న ప్రారంభంకానున్న టీ20 ప్రపంచకప్ కోసం కొంతమంది ఆటగాళ్లు ఇప్పటికే ఇప్పటికే ఆస్ట్రేలియా చేరుకుని ప్రాక్టీస్ సెషన్ ప్రారంభించారు. మరికొంతమంది ప్లేయర్స్ స్వదేశంలో దక్షిణాఫ్రికాతో వన్డే సిరీస్ ఆడుతున్నారు. ఇది పూర్తవ్వగానే వారు కూడా ఆస్ట్రేలియాకు వెళ్తారు. కాగా, ఈ వరల్డ్ కప్లో భాగంగా భారత జట్టు తమ తొలి మ్యాచ్ను అక్టోబర్ 23న చిరకాల ప్రత్యర్థి పాకిస్థాన్తో తలపడనుంది.
ఇదీ చదవండి:
