U19 World Cup Final: అండర్-19 ప్రపంచకప్ ఫైనల్లో టీమ్ఇండియా యువ జట్టు ఆధిపత్యం చూపించింది. కట్టుదిట్టమైన బౌలింగ్తో ప్రత్యర్థిని 44.5 ఓవర్లలో 189 పరుగులకే కట్టడి చేసింది. బౌలర్లు రాజ్బవా 5 వికెట్లు తీయగా, రవికుమార్ 4, కౌశల్ ఓ వికెట్ తీశారు.
అంతకు ముందు టాస్ గెలిచి బ్యాటింగ్ ఎంచుకున్న ఇంగ్లాండ్ మొదటనుంచే తడబడింది. భారత్ బౌలర్ల ధాటికి ఇంగ్లాండ్ బ్యాటర్లను నిలువలేకపోయారు. ఓపెనర్ జార్జి ధామస్ 30 బంతుల్లో 27 పరుగులు చేయగా మరో ఓపెనర్ జాకబ్ రెండు పరుగులకే పెవిలియన్ చేరాడు. మిడిల్ ఆర్డర్లో జేమ్స్ రియూ(95)- జేమ్స్ సేల్స్(34).. 93 పరుగుల భాగస్వామ్యం నెలకొల్పారు. దీంతో ఇంగ్లాండ్ జట్టు గౌరవప్రదమైన స్కోరు చేయగలిగింది.
యువబౌలర్ రాజ్బవా అత్యధికంగా 5 వికెట్లు పడగొట్టాడు. 9.5 ఓవర్లలో కేవలం 31 పరుగులే ఇచ్చాడు. మరోవైపు రవి కుమార్ 9 ఓవర్లలో 34 పరుగులు ఇచ్చి 4 వికెట్లు తీశాడు. మరో బౌలర్ కౌశల్ తాంబే 5 ఓవర్లలో 29 పరుగులకు ఓ వికెట్ పడగొట్టాడు.
ఇదీ చూడండి : IND vs WI 2022: ఇషాన్కు సూపర్ ఛాన్స్.. రోహిత్తో ఓపెనింగ్
