U19 World Cup 2021 India Squad: వచ్చే ఏడాది ఆరంభంలో ప్రారంభమవనున్న ఐసీసీ అండర్-19 పురుషుల క్రికెట్ వరల్డ్ కప్కు భారత జట్టు కూర్పు పూర్తయింది. ఆల్ ఇండియా జూనియర్ సెలెక్షన్ కమిటి ఈ మేరకు జట్టును ఎంపిక చేసింది. యశ్ ధుల్ సారథ్యంలో ఆటగాళ్ల జాబితాను బీసీసీఐ ట్విట్టర్లో పోస్టు చేసింది.
వెస్టిండీస్ వేదికగా 2022 జనవరి 14 నుంచి ఫిబ్రవరి 5 వరకు ఈ టోర్నీ జరగనుంది. 14వ సారి జరుగుతున్న ఈ టోర్నీలో 16 టీమ్లు బరిలోకి దిగుతున్నాయి. ఇందులో భారత జట్టు టైటిల్ ఫేవరెట్గా నిలిచింది. 2000, 2008, 2012, 2018లో టైటిల్ను సాధించింది. జనవరి 15న భారత జట్టు తొలి మ్యాచ్లో దక్షిణాఫ్రికాతో తలపడనుంది.
అండర్-19 జట్టు: యశ్ ధుల్ (కెప్టెన్), ఎస్కే రషీద్ (వైస్ కెప్టెన్), హర్నూర్ సింగ్, అంగ్క్రిష్ రఘువంశీ, నిశాంత్ సింధు, సిద్దార్థ్ యాదవ్, దినేష్ బానా (కీపర్), ఆరాధ్య యాదవ్ (కీపర్), రాజ్ అంగద్ బావా, మానవ్ పరాఖ్, కౌశల్ తాంబే, ఆర్ఎస్ హంగర్గేకర్ , వాసు వాట్స్, విక్కీ ఓస్త్వాల్, రవికుమార్, గర్వ్ సంగ్వాన్.
స్టాండ్‌బై ప్లేయర్లు: రిషిత్ రెడ్డి, ఉదయ్ సహారన్, అన్ష్ గోసాయి, అమిత్ రాజ్ ఉపాధ్యాయ్, పీఎం సింగ్ రాథోడ్.
ఇదీ చదవండి: IND VS SA: 'దక్షిణాఫ్రికా టూర్లో టీమ్ఇండియా బలం వాళ్లే..'
