గాయపడిన శుభమన్గిల్ స్థానంలో శ్రీలంక పర్యటనలో ఉన్న పృథ్వీ షా, దేవదత్ పడిక్కల్ను(prithvi shah, Devadutt padikkal) ఇంగ్లాండ్ పంపించే విషయమై కొద్దిరోజులుగా చర్చజరుగుతోంది. గిల్ స్థానంలో ఇద్దరు ఓపెనర్లు కావాలని సెలక్షన్ కమిటీ ఛైర్మన్ చేతన్ శర్మకు టీమ్ మేనేజ్మెంట్ విజ్ఞప్తి చేయగా ఆయన పట్టించుకోలేదని ప్రచారం సాగుతోంది. బీసీసీఐ, సెలక్షన్ కమిటీ, జట్టుయాజమన్యం మధ్య సఖ్యత ఉన్నట్లు కనిపించట్లేదని అంతా మాట్లాడుకున్నారు. ఈ నేపథ్యంలో దీనిపై స్పందించిన బీసీసీఐ అధ్యక్షుడు గంగూలీ(BCCI President Ganguly)... వారిద్దరిని పంపించే విషయమై నిర్ణయం సెలక్టర్ల మీద ఆధారపడి ఉంటుందని అన్నాడు.
అందుకోసమే యూఏఈకి
ముందుగా నిర్ణయించినట్లుగానే ఐపీఎల్(IPL) రెండో దశ యూఏఈలో సవ్యంగా జరుగుతుందని ఆశాభావం వ్యక్తం చేశారు గంగూలీ. అందరీ భద్రత దృష్టిలో ఉంచుకుని భారత్ వేదికగా అక్టోబర్-నవంబరులో జరగాల్సిన ఐసీసీ టీ20 ప్రపంచకప్(T20 World cup) యూఏఈకి తరలించినట్లు వెల్లడించారు.
"అక్కడ నిర్వహించడం కాస్త బాధకరమైన విషయం. కానీ జీవితంలో ఇటువంటి పరిస్థితి వస్తుందని ఎవరూ ఊహించం. గతేడాది కోరనా కారణంగా రద్దు అయిన ప్రపంచకప్ ఈ ఏడాది కూడా అదే కారణంగా రద్దు అయింది. దీనివల్ల ఆటకు భారీ నష్టం కలిగింది. అందుకే సురక్షితమైన ప్రాంతంలో ఈ మెగాటోర్నీని నిర్వహించాలని నిర్ణయించాం" అని అన్నాడు.
ఫిట్గా ఉన్నా
జనవరిలో దాదా గుండెపోటుతో ఆస్పత్రిలో చేరగా యాంజియోప్లాస్టీ చికిత్స ద్వారా కోలుకున్నాడు. ఈ నేపథ్యంలో తన ఫిట్నెస్పై స్పందిస్తూ.. "నేను పూర్తి ఫిట్గా ఉన్నాను. ఇది కొవిడ్ సమయం. మీరు కూడా మీ చుట్టూ ఉన్న వాళ్ల కోసం జాగ్రత్తగా ఉండండి." అని పేర్కొన్నాడు.
అస్సలు కుదరదు
భారత మహిళల జట్టు త్వరలోనే ఆస్ట్రేలియాతో పింక్ బాల్ టెస్ట్(Pink Ball Test) ఆడనుంది. అయితే ఈ మ్యాచ్కు ముందు ప్రాక్టీస్ కోసం ఆగస్టులో దేశవాళీల్లో పింక్ బాల్ మ్యాచ్లు నిర్వహించాలని బీసీసీఐ అపెక్స్ కౌన్సిల్ సభ్యురాలు శాంతా రంగస్వామి విజ్ఞప్తి చేశారు. దీనిపై స్పందించిన దాదా.. అది సాధ్యం కాదని స్పష్టం చేశాడు. ఆ సమయంలో వర్షాలు పడే అవకాశాలున్నాయని అన్నాడు.
ఈ పర్యటన సెప్టెంబర్ 30 నుంచి అక్టోబర్ 3 వరకు పెర్త్ వేదికగా ఈ మ్యాచ్ జరగనుంది. 2006లో ఆసీస్తో చివరిసారి టెస్టు మ్యాచ్ ఆడింది. సెప్టెంబర్లో జరిగేది రెండోది.
ఇదీ చూడండి: సినిమాను తలపించేలా 'దాదా' డేరింగ్ ప్రేమ కథ
